ريهام سعيد لتامر حبيب: نزلت من نظري أوي

ردت الإعلامية ريهام سعيد على الهجوم الذي شنه السيناريست تامر حبيب، عليها بعد تصريحاتها المثيرة للجدل فى برنامجها "صبايا"، والتي هاجمت فيها اصحاب السمنة بعبارات قاسية وقالت أنهم عبء كبير على الدولة.
حرب كلامية بين ريهام سعيد وتامر حبيب
وقالت ريهام سعيد من خلال حسابها الشخصي بموقع التواصل الاجتماعي "فيس بوك": "غير أن عيب حد مثقف زيك ياخد بجمله من وسط حلقه زي الناس العادية، عيب أوي أنك تتكلم بالطريقة دي وأنت نفسك مبتدتش ترقص وتبقي بوبي الحبوب غير لما عملت عمليه وخسيت نزلت من نظري أوي".
نزلت من نظري أوي
وكان تامر حبيب، هاجم ريهام سعيد بعد تصريحات السمنة قائلا من خلال حسابه على "فيس بوك": "طيب التخين ممكن يخس، إنما الريهام ده يا حرام، يعمل إيه؟!".
وتعرضت ريهام سعيد لهجوم شديد من رواد مواقع التواصل وعدد من المشاهير بسبب تصريحاتها عن أصحاب السمنة، الأمر الذي دفعها للرد على الهجوم عبر فيديو نشرته على موقع "يوتيوب" قالت فيه : "الأيام دي بتفكرني بأي فترة بنعمل فيها حلقات قوية جدًا، فأنا مبسوطة جدًا أننا غايظين ناس كتير، إحنا عملنا جراحات لناس كتير أوي الأسبوع اللي فات، والستات كلهم زي الفل وصحتهم كويسة أوي.
نزلت من نظري أوي
واضافت ريهام سعيد: "عارفة أن فيه ناس كتير أتضايقت ودكاترة كتيرة أوي، والنجاح بيضايق، للمرة الأخيرة لجمهوري اللي بيحبني، احنا مجرحناش حد ولا اتكلمنا على حد، والناس اللي 200 كيلو، هما فعلا عبء على الدولة، لأنهم مبيشتغلوش، والسمنة لو معندكش مشاكل في الغدد والجينات، أنت خترت تكون تخيين، فأنت جبته لنفسك .. لما كنا بنتكلم على الناس اللي بيلبسو سدال وعباية، دول ناس بسيطة هنقول جزء منهم أمُي، لازم تكلمهم بطريقة مختلفة، غير أنك تقوله هيجيلك سكر وضغط وكولسترول، لأن كل اللي حواليه بيقوله التخن دا عزوة وأحلى حاجة في الدنيا".
اقرأ ايضا: سما المصري تهاجم ريهام سعيد بعد تصريحات السمنة: "ريحة عرقك معفنة" (فيديو)
واختتمت ريهام سعيد كلامها: "وكل ما كنا بنعمل حلقة قوية بنلاقي هجوم، فكرتوني بأيام زمان، أحنا موجودين، واحنا ربنا معانا، ومش هنقع، وللناس اللي بتزيط في الزيطة ومش فاهمة اتفرجوا على الحلقة وشوفوا ساعدنا ناس قد إيه ونصحنا ناس قد إيه .. والتخن حاجة سيئة جدًا ونقمة، وأي حد بيقولك حاجة عادية، لا هو بيضرك مش بينصحك، ناس كتير عندها مشاكل كتير جدًا، والتخن بيخلي الناس عايشة ميتة أنا عارفة عشان كنت تخينة".