الفنانة المعتزلة عبير الشرقاوي تفتح النار على نور عمرو دياب: "مقززة".. والجمهور: "يمكن محتاجة نصيحة"

فتحت الممثلة المعتزلة عبير الشرقاوي النار على ابنة عمرو دياب، وكانت تقصد نور عمرو دياب، بعد إعلان خطبتها واستعدادها للذهاب للعيش في منزل خطيبها ووصفت أفعالها بالمقززة.
هجوم عبير الشرقاوي على نور عمرو دياب
وكتبت عبير الشرقاوي عبر حسابها بموقع التواصل الإجتماعي "فيسبوك": "بنت عمرو دياب و إللى بتعمله شئ مقزز و مقرف إلى أبعد الحدوووووووووووود .. يا بنتى إذا بليتم فاستتروا".
اقرأ أيضا بعد خطوبة نور عمرو دياب .. أشياء لا تعرفها عنها (خجولة وتحب الكلاب)
رأي الجمهور في كلام عبير الشرقاوي
كتبت إحدى متابعي عبير الشرقاوي: "مش يمكن محتاجة نصيحة هادية ما لقتش حد يوجهها .. مهم التوجيه وأسلوب يكون هادي ومستحب يرغب العاصي في العدول عن فكرة لا تتناسب مع الدين".
بينما اتفق أخر مع عبير الشرقاوي، وكتب: "معك حقك يا أستاذة يلزم فضح واستنكار هذه التصرفات الخاطئة حتي لا تنتشر.. ولست مع من يقول بالستر، فلو سكت العاقلون ظن المخطئون أنهم علي حق واستمروا علي خطئهم.. بارك الله فيكم".
وردت عليه عبير وقالت: "يا دكتور محمد الستر ده مع اللي يستر نفسه مش يفضحها، الفيديو على المشاع وانا اتفرجت عليه بنفسي وعمري ما دخلت الأكونت بتاعها بس لاقيت الفيديو على صفحتي بتاعة الفيديوهات واللى هى بتعمله لابد له الرفض القوى على العلن و الملأ".
اما أحد المتابعين دافع عن نور عمرو دياب، وكتب: "طبيعي ياناس تبقى كده واحدة متربية في مجتمع ده العادي بتاعه وده مش معناه إني بشجع تصرفها بس هي بحكم عيشتها وتربيتها هناك بتتصرف زيهم يعني أبوها نفسه عارف كده".
وتابع: "عارف البيئة اللي زرع بنته فيها وأظن هي لو والدها فارق معناها كانت احترمت نفسها بس الناس دى لسن معين بتبقى مسؤوله عن نفسها وعن تصرفاتها ومش بتسمح لحد يتدخل فيها مجتمع غير مجتمعنا وناس مش شبهنا".
وهاجمت إحدى المتابعات، كلام عبير الشرقاوي عن نور عمرو دياب، وقالت: "وأنتي منزله بوست مخصوص عشان تتكلمي عن عيلة صغيرة يمكن ربنا يهديها لما تكبر زي ماهداكي كده وبعدين عارفة إذا بليتم فاستتروا ومش عارفة من عاب ابتلي وبعدين أنا معرفش هي عملت ايه وناس كثير متعرفش وبسبب البوست بتاعك كله هي دخل يشوف اللي حصل يعني كأنك فضحتيها انتوا يا جماعة أنهى دين بتتكلمي بيه".
ردت عبير الشرقاوي، وكتبت: "لما تكوني مش بتفهمي في الدين أوى ياريت بلاش تهاجمي إللى أنا بعمله ده دين وشرع لأن دى واحدة عملت فيديو أعلنت فيها إنها تنتقل للعيش مع خطيبها في بيت واحد ولما سألوها على الدين قالت محدش يكلمني في الدين. إعلان المعصية بالطريقة لدى يلزمه رفض علني وغضبه لله وده شرع وإلا ربنا يبتلينا لما نقول ملناش دعوة".
خطوبة نور عمرو دياب
أعلنت نور دياب ابنة الهضبة عمرو دياب والفنانة شيرين رضا، عن خبر خطبتها من شاب بريطاني من أصول إفريقية، وفوجئ الجمهور ومتابعي نور دياب من قرارها بالانتقال للعيش في جنوب لندن برفقة خطيبها.