إيمي سالم تفضح المخرج محمد سامي.. هكذا دعمها الجمهور بعد سبه لها

فضحت الفنانة إيمي سالم، المخرج محمد سامي وزوجته الفنانة مي عمر بعد موقف حدث بينهما في حفل زفاف صديقتهم نيللي كريم، حيث كشفت إيمي أن المخرج قام بدفعها وسبها أمام زوجته بعدما أقدمت عليه لإلقاء السلام.
تفاصيل مواجهة إيمي سالم ومحمد سامي
كشف الفنانة إيمي سالم عن تفاصيل الأزمة بينها وبين المخرج محمد سامي، حيث كتبت عبر حسابها بموقع التواصل الاجتماعي "فيسبوك": "في حاجة سيئة حصلت، وكنت في حيرة أكتبها ولا لا لكن قررت أكتبها، ورغم إنها حاجة سيئة لكنها حصلت للأسف في يوم سعيد جدا هو يوم فرح أختي وحبيبتي نيللي كريم".
وتابعت إيمي سالم حديثها وكتبت: "طبعا قبل أي شيء مبارك للمرة المليون لنيللي وكان يوم يجنن وده سبب سكوتي امبارح لأني كنت عايزه الفرح ميتعكرش صفوه وجماله كنت زمان بسمع كلمة إن الفنان الكبير الحقيقي لازم يكون إنسان كبير كمان بس يمكن امبارح موقف أكد لي المقولة دي طبعا كلنا شفنا مسلسل نسل الأغراب في رمضان المسلسل اللي انتقده حوالي ال 300 مليون عربي اللي انتقده حتى صناع العمل نفسهم وأبطاله كمان وشفنا فيه إهدار المال يشكل مرعب في مقابل عمل فني ركيك وضعيف للغاية الحسنة الوحيدة فيه أسماء أبطاله الكبار جدا السقا وكرارة حتى الأبطال الثانين أدوارهم انهارت عشان المدام تلتمع، لدرجة إن الشركة المتحدة قررت وقف التعامل مع الأستاذ المخرج من كتر رداءة المسلسل ودي أول مرة تحصل في تاريخ الدراما لمخرج طيب إيه بقي القصة".
اقرأ أيضا بعد جدل ارتباطها بعمرو دياب.. إيمي سالم تخرج عن صمتها (صورة)
وأضافت: "القصة إني في رمضان وقت عرض المسلسل كنت زي كل الفنانين غالبا مش عاجبني المسلسل فكتبت تعليق على "بوست" كتبه الصديق أيمن سليم السينارست وكان تعليق منتقد للمسلسل والنقد زي ما اتعلمنا جزء من الفن ولازم الفنان يتقبل النقد لأنه ده الدافع الوحيد لتحسين أداؤه وتحسين إنتاجه لكن إنك تلاقي فنان بياخد النقد على إنه خناقة شخصية وعركة في شارع ومقاطعة وخلاف أنا مش هحكي عن علاقتي السابقة بإخوات الأستاذ محمد سامي البنات وبزوج أخته اللي أعرفه قبل ما حتى أجي أعيش في مصر".
محمد سامي يتعدى على إيمي سالم
وكشفت إيمي سالم تفاصيل تعدي محمد سامي عليها، وكتبت: "امبارح وأنا بتحرك في الفرح لقيت الأستاذ المخرج المحترم أوي في وشي هو ومراته النجمة الأحادية التي لا تتكرر فأنا لأني بنت ناس.. ولأني علموني إن انتقاد شيء قدمته في الفن مش خناقة وعركة فلقيتني بنية صافية بقوله هتسلم علي ولا مش عايز، فما كان من الأستاذ محمد سامي المحترم أوي والراجل خالص حرفيا بيدفعني بإيده بشكل عنيف وبيوسع الطريق لمراته وكمان بيتلفظ بألفاظ سوقية عني أنا سكت بس لحسابات لأن تربيتي أولا متسمحش إني أنزل لمستوى الشوارعية و السوقية ده وثانيا عشان الليلة الجميلة لنيللي تفضل ليلة جميلة لكن حبيت أحكي الموقف بشكل علني هنا عشان نعرف كلنا إزاي الأستاذ المخرج شخص لا يعرف معنى الفن ولا الزمالة ولا سمع عن الأخلاق ولا يعرف ما معنى احترام المرأة حبيت أقول الكلمتين دول عشان نعرف مين هو محمد سامي شكرا يا أستاذ محمد على أخلاقك اللي فعلا شبهك".
كيف ساند الجمهور إيمي سالم؟
حرص عدد من متابعي إيمي سالم علي "فيسبوك"، بدعمها حيث كتبوا لها: "الصراحة انتي اللي تستاهلي لأنك نزلتي نفسك لمستواه، دية غلطة الغلطة الثانية أنك سكتي على حقك، وعلى فكرة لما هيشوفك تاني هيهزءك تاني وتالت ورابع.. شكرا. خدي حقك يا إيمي وردي كرامتك".
فيما كتب آخر: "مشكلة محمد أنه مغرور وشايف نفسه في مكان تأني غير الناس وينسب لنفسه أي نجاح لدور أو شخصية ف علشان كده وقع الوقعة دي.. واللي زي كده متنتظريش منه أفضل من كده وأنت غلطانة أنك عبرتيه".
وردت عليه إيمي سالم وتقول: "كنت لسه عاملة حساب العيش و الملح.. بس العشرة تغور لو مع اللي مابيصنهاش".