نشرت الإعلامية ياسمين الخطيب، عبر حسابها الشخصي على موقع التواصل الاجتماعى "فيسبوك"، رسالة استنكار على التنمر الذي حدث على مواقع التواصل الاجتماعى على طالبة بالثانوية العامة، قالت إن الامتحان صعب وأنها بسبب صعوبة الأسئلة قد لا تدخل كلية من كليات القمة. فقالت الخطيب: "طالبة الثانوية العامة.. اللي بتعيط وبتقول بذاكر طول السنة، وفي الآخر هدخل كلية أي كلام زي تجارة ولا معرفش إيه! البنت الغلبانة اللي انتم سالخينها من امبارح دي.. بتردد كلامكم مش أكتر!.. أنتم اللي افتكستوا موضوع كليات القمة ده، واعتبرتوا كليات (مهمة جداً) زي حقوق وتجارة، كليات الشعب، ودرجة تانية، بتاعة الخايبين..إلخ!." وأضافت الخطيب: طب وهندسة وإعلام وسياسة واقتصاد، قال إيه، كليات القمة! على أساس إن كل خريجيها هيطلعوا مجدي يعقوب وأوبرا وينفري، ووزراء وسفراء اسم الله!.. يا حبيبي انت وهو وهى الثانوية العامة دي (وهم)، ودورها في تحديد مستقبلك لا يتخطى 10٪.. ممكن طالب متفوق صمام وغبي يدخل هندسة مثلاً، ويطلع مهندس فاشل، عشان معندوش بربع جنيه موهبة!. اقرأ أيضا امتحان اللغة الفرنسية اليوم للثانوية العامة من المراجعات النهائية ل"أهل مصر" واستكملت: "في حين إن خريج تجارة (اليع دي) ممكن يكون ذكي وطموح، فيصبح رجل أعمال ناجح، ويشتري الشركة إللي شغال فيها مهندس كان أول جمهورية في الثانوية العامة! بذمتكم ودين أهاليكم حد عارف أوائل الثانوية العامة بتوع دفعته فين دلوقتي أصلاً؟! واختتمت قائلة: "معايير النجاح هى الذكاء والموهبة والطموح.. مش تقدير الثانوية العامة! فوقوا كده بلاش هبل.. بالإصرار تحققوا اللي بتحلموا بيه، حتى لو التنسيق وداكم معهد الصرف الصحي!. اقرأ أيضا طالبات تصاب بنوبات إغماء في لجان امتحانات اللغة الأجنبية الثانية بالثانوية العامة بالشرقية كانت الكاتبة ياسمين الخطيب أصدرت العديد من الكتب أولها كان كتاب "التاريخ الدموي"، ثم كتاب "قليل البخت يلاقي الدقن في الثورة"، ثم كتاب "كنت في رابعة" ، وأخيراً كتاب "ولاد المرة" .
