مالك ياريس !!!

مالك ياريس مش سامع صوتك ليه ...
ولا هو بينزل مع نزول الجنيه
فين مشروع النهضة... فين غضب الحليم
ولا طار طائر النهضة... ورجع النظام القديم
يا وطنى ماعدشى فيك جديد
يا وطنى نفسى أشوف فيك عيد
كفاية بقا علينا كل يوم شهيد
ياريس امتى هتضرب بإيد من حديد
يا ريس كنت سبع يوم حلف اليمين
يا ريس نزلت بالقَسم دموع الملايين
يا ريس خد قرار يبنى يعلى أو حتى يعين
يا ريس هى النهضة حبة عربيات من الصين
يا ريس ابنى مصر وعدى بيها لبر السلامة
يا ريس النهضة نهضة شعب مش نهضة أوباما
يا ريس شيل من قلب الشرطة الجبروت
يا ريس دول عاملين تخفيض لملك الموت
يا ريس اسمع لشبابها ما تستقلش بالصوت
يا ريس جندى مات فى القطر وجندى مات عالحدود
يا ريس انهض بقا بمصر يا ريس كفاية وعود
يا ريس أنت رئيس الجميع ... وقلت يا مصريين أنا رئيس ليكم
يا ريس شعبك بيضيع ... وآخر الخطاب نلاقى أشكركم أحييكم
ولحد ما ينصلح الحال هفضل أقول مالك ياريس !!!