ياعيد آنستنا

آنستنا يا عيد يا عيد آنستنا
لبستنا الجديد وحزينه نِفسنا
ياما فرحتنا وياما ضحكتنا
لكن النوبادى ليه زعلتنا
-----------
ماتوا الجنود ع الحدود
وبقينا سوود من حزننا
فين الوعود والعهود
بأمننا وعزنا فى مصرنا
-----------
ماشيين حزانى ليه يا عيد
والدمع فى عنينا إيه يريد
مادين ايدينا للقريب والبعيد
خليك معانا يا ربنا
-----------
كيفك ياعيد وام الشهيد
باينه دموعها من بعيد
سايله الدموع وإيه يفيد
بعد اللى راحوا مننا
----------
أستغفر الله من كل ذنب
أهلا يا عيد من كل قلب
أهلا يا عيد وبكل حُب
تيجى ويفرح قلبنا
----------
يا مصر قومى يلا وانهضى
إحكى لنا همك وفضفضى
بكره يا حلوة هتعوضى
كل اللى فاتك بإيدنا كلنا
-----------
بلاش تشيلى الهموم لوحدك
إبنك فداك ولا يوم يعاندك
إبنك حبيبك فى قلبك وعمرك
ما هنخلى بيكى ولا تخلى بنا
-----------
راح المشير وجه البديل
وكالعادة يا مصر ولاده
ضعفك ووهنك مستحيل
طول م الشهادة فينا عباده
----------
ياعيد تعالى على أى حالة
فى البلد رجالة مش قواله
نموت ولا نقبل يوم المهانه
لمصرنا حبنا أرض الكنانة
---------------