وبيسرقوك يا وطن

وبيسرقو ك يا وطن *** وبيكتموا أنفاسك وبيمنعوك يا وطن *** تبوح بإحساسك
وإياك تقول مليت *** ليقطعوا راسك
سرقوك باعوك ياوطن *** من كانوا حراسك
واللي باعوك يا وطن *** كانوا زمان ناسك
أكلوك زمان يا وطن *** وتخنو من خيرك
ولما قلت خلاص مليت *** طاروا لوطن غيرك
زلوالشباب يا وطن *** وابنك بقي اسيرك
واخدو خيرك ياوطن *** و رموه لناس غيرك
لكن أحنا فين هنروح *** مالناش وطن غيرك
شرب ترابك عرقنا *** وشربنا من نيلك
شلت همومنا يا وطن *** ورضعنا من خيرك
ولو قلت أه يا وطن *** مين غيرنا هيشيلك
مالناش جناح يا وطن *** ريشنا كمان قصّوه
ولما جينا نطير *** باقي الجناح كسروه
مهرة في ذل الناس *** حتي النفس كتموه
ولما قمت وقلت حرية *** صوتك كمان خرسوه
يالى سلبتوا من *** الوطن خيره
سبوه كفاية أرحلوا *** شوفوا وطن غيره
أن الأوان ترحلوا *** مات في الوطن طيره
أن الأوان ترحلوا *** ما خلاص خلص خيره
خدوا كل شىء وارحلوا *** وسيبولنا بس الشمس
حتي الدفا فيه الطمع *** ومعدش حد يحس !!
منعتو عنا الدفا *** ومنعتو عنا الهمس
واللي زرع واللى حصد *** حّرامتو حقه عليه
مع أنه ياما غزل *** من قطنه وأخدتوه
ولما قال حقي الدفا *** كرباجكوا رد عليه
ومن غير خشااو حيا *** على جلده وجلدتوه
صبر سنين وأيام *** على غلبه وما سبتوه
بالجزمة ياما أنضرب *** وفي التراب رمتوه
وعرتوه م الكرامة *** ولما مات سبتوه
تنهش في لحمه الكلاب *** حتى الكلاب تركوه
مكلتش لحمه الكلاب *** مانتو زمان كلتوه
ليه الاساوة يا بشر *** هوا إحنا مش زيكم
ودا أخويا يا بشر *** أدم أبويا وأبوه
ليه الأساوه يا بشر *** ليه الفقير هنتوه
بكرة الكرامة تتولد *** وشبابنا معاها يتواعد
ما خلاص يا مصر أتولدلك *** جيل م الشباب صاعد
خلاص ظهر لك ولد *** هنا في الميدان قاعد
أفتخرى بيه هللى *** يا مصر يا أم الشهيد
أبنك يا مصرولد *** ماخفش من موته
وقال لصبح الأمل *** ياصبح نتواعد
ولو هيجى ا لموت *** أنا في الميدان قاعد
ما بخفش منك يا موت *** عدى عليا وفوت
لكن المهم أموت *** وأقف رافع راسي
والله براوا يا ولد *** حققت مطلبنا
وكنا فكرينك عيل متدراش *** يعنى ايه كلمة وطن وإحنا اللي في الدنياعلما *** وطلعنا بجهلنا أساتذه
لكن الشجاعه نعترف لك *** ياولد في الحلم دا خبنا
و أنت اللي جبتلنا النهار *** وسخرت من خوفنا
والظلم كان سد عالي *** لكن بصوتك خار
والظلم كان جبل فوق *** القلوب لكن في لحظة انهار
حطم قيود الظلم *** وشق بالهتاف انهار
وهات لنا من ليلنا صبح *** وبتدل ضلمته بنهار
وإياك يامصري تشوه الصورة *** وتقف حزين برايه مكسوره
دي مصر طول عمرها *** ست الصبايا جميله اموره
مرضتش ابدا ًزلها *** طول عمرها بكرمتها مستوره
وكنا فكرين الكرامة *** لقمة عيش وحتة خيش
وناصر مات وغيره مفيش *** وإيه يعنى ناصر صمد
ما أنا زيه هنا صامد *** حرب الفّلوجة عاد
لكن في مصر النوبادى *** وأنا يابا صبري مش عادى
مرضتش ذل الأسر *** ذي ما قال ناصر
ما أنا براضوا يابا حفيد *** جيل من زمن ناصر
وأبنك يا مصر كبر *** مبقاش خلاص قاصر
ماتخفش يابا عليا *** ومصر صبيه عفية ولادة
في القلب دايب عشقها *** دي مصر.. وحبها عبادة
والموت في عشقها عشق *** والموت فى عشقها شهادة