اصحى يا نايم وحد الدايم يلا ع الميدان بعد العشا والسنة والتراويح بعد الخشوع والطهر والتسابيح يحلى الكلام واللمة والدردشة حبة سياسة على حتة قطايف حتة كنافة على حبة نقاش وجدال الكنز راحة البال والنفس سامحة وسابحة ف الملكوت يا صاحب العرش يا مقسم الأرزاق يا رازق الدودة ف قلب الحجر وبترزق الطير اللى سابح ف الفضا وبترزق العبد اللى صالح واللى طالح أنا عبدك وطالب رحمتك والعون إفتح لى باب الرزق إرزقنى حكمة مش طالب لا مال ولا جاه ولا شدة المعاناة إرزقنى صبر الصالحين علمنى أكون م المخلصين أصبر على همى وأشيل هموم الناس وأعوذ بك من شر الوسواس الخناس إصحى يا نايم وحد الدايم يلا ع الميدان