رامى صبرى لبودكاست بداية: لحنت أول أغنية ليا لعامر منيب و90% من أغانيا ألحانى

حل المطرب والملحن رامى صبرى ضيفا على برنامج "بودكاست بداية" من تقديم الطفلة ريما مصطفى وآدم وهدان، على شاشة قناة الحياة.
وقال رامى صبرى، أنا درست فى المعهد العالى للموسيقى العربية، وكنت من وأنا صغير بحب الموسيقى ومهتم بيها، وكنت بحب أم كلثوم وجيلها، وانا من وانا عندى 4 سنين كنت بتتفرج على التليفزيون واسمع الموسيقى".
وأضاف رامى صبرى،: وانا فى المعهد اكتشفت موهبة عندى غير الغناء وهى التلحين، ولحنت أول أغنية ليا وهى "ليالى" للفنان الراحل عامر منيب، وكانت أول مرة أخد فلوس وبعدها لحنت لفضل شاكر وشيرين وأصالة، وبعدها تعرفت على طارق العريان ومضيت معها ألبومات".
أوضح رامى صبرى: "انا لحنت 90% من أغانيا، والناس بتحب الأغانى اللى فيها عياط وحزينة، وعلشان كده نوعت فى الألبوم بتاعى من أغانى وموسيقى مختلفة، لافتا إلى أنه تعلم كيف يتعامل مع الجمهور وأصبح لديه خبرة فى الغناء والتلحين وتقديم الحفلات".