ريحة المسك كانت طالعة منه.. جدة يوسف تروى لحظة رحيله.. فيديو

تحدثت جدة الطفل الفلسطينى يوسف ضحية قصف الاحتلال الإسرائيلى مع تلفزيون اليوم السابع عن مشهد رحيل الطفل الصغير، وقالت عايدة عبد العزيز جدة يوسف في لقائها على تلفزيون اليوم السابع: بعد ما عرفت بخبر استشهاد يوسف اتصلت على بنتى وحاولت أكلمها واصبرها، مرضتش ابكي ولا حاجة، وقعدت أقول لها يا حبيبتى شهيد وانتى ام الشهيد انتى ضمنتى الجنة هو هيمسكك من ايدك ويقول مش هيدخل الجنة غير بأمي وأبويا، انتى يا بشراكى يعني دى كلها كرامات من ربنا".

وأضافت:" كنت دايما أقول له يا شعرك طويل زي البنات قصه، يقولى لا يا تيتة انا كمان لو رحت على المدرسة انا مش هقصه انا مش هروح المدرسة لو قالولى قص شعرك انا بحب الكيرلى ومش عاوز شعرى غير كيرلى".

وتابعت:"الأم كل ما بتربي ولد من ولادها بيستشهد، وبعدين بيقتلوا الأطفال والنساء والشيوخ حرام، حرام لما الأطفال لغاية دلوقتى تحت الركام ميتين مش عارفين يطلعوهم، هما عايزين يقضوا على الشعب الفلسطيني لكن هيهات يقضوا علينا هيهات ما فيش نزوح تاني ابدا احنا هنموت في مكانا".

وأنهت حديثها قائلة:"، ابنى اللى هناك في غزة حكالى وقالى والله يا ماما ريحت المسك طالعة منه، الحمد لله هو شهيد، انا عاوزة أقول ليوسف أنت حبيبي يا نور عيني من جوه الله يرحمك انت عصفورمن عصافير الجنة، انت دلوقتى عند ستنا سارة وسيدنا إبراهيم وهما اللى هيربوك انا بحبك كتير كتير لما تروح من من هناك تعالي علينا".