ولاهى شعبية ولاهى شبابية ولاهى ثورة ناس دى ثورة إلهية ثورة أرادها الله على مفسدين وطغاة واحنا سبب وأداة فى أيادى علوية اللى حصل مكتوب منه مفيش مهروب ولايد فيه لجروب وأجندة خارجية لاغنيم ولابيتر فيس بوك وتويتر ولاسنتى من ميتر لأيادى بشرية وزن النظام اختل فكر الأبالسة اتشل ضلوا الطريق للحل لا بيك ولا بيا هاتها شمال ويمين شوف مين ورا الزنازين مين اللى ساقهم مين لمحاكمة علانية خايب الرجا المتعوس بتقول عينيه دا كابوس الشعب دا ملبوس واللا ابن جنّية أنا اللى دوست عليه وعملت كل دا فيه مين اللى أوحى إليه يعمل كدا فيا ناسى البعيد أنها مصر اللى بنحبها فى الذكر جه اسمها ولا باقى غير هى