هو إمتى بجد الناس هتحترم بعض؟.. إمتى صوتنا مش هيبقى عالى؟ إمتى الشخص هيحترم إنسانيته؟!.. إمتى هيبقى فى فى كل كلامنا ومعاملتنا من فضلك ولو سمحت؟ وإمتى الإعلام هيحترم الناس اللى بتتفرج عليه، ويقفوا عن المهازل اللى بنشوفها دايما قدامنا؟ وليه بقى كل يوم كل برنامج جايب ناس بتتخانق مع بعض؟!.. ليه بيشوهوا صورتنا قدام العالم؟ ليه مابقاش فى أى احترم بينا؟!.. ولا حتى بقينا بنسمع لبعض وساعات كلنا بنبقى ضد بعض. ودلوقتى بقى وصلنا لمرحلة إننا كلنا بقينا نخون بعض.. فتلاقى من يصف 6 إبريل بالخونة، وآخر من العلمانيين يصف السلفيين بالخونة. والبعض يقول بكفر العلمانيين والليبراليين.. ومش دا المهم.. المشكلة بقى والأهم إن موضوع إننا نخون بعض دا بقى موضة بقى كل واحد مش عاجبنا طريقة أسلوبه أو تفكيره نقول عليه دا خاين؟ أومال فين بقى الديمقراطية اللى إحنا بنطالب بيها؟ ويا ترى إحنا فاهمين الفرق بين الحرية والهمجية؟! ولا دى بالنسبة لنا حاجة عادية؟ بجد نفسى أقول من قلبى ولو مرة واحدة إن مصر قبل 25 يناير غير مصر بعد 25 يناير. ياترى إحنا هنتغير بجد وهنبقى بنحترم بعض فعلا ونقدر معنى اليمقراطية اللى إحنا بنطالب بيها؟ ولا إحنا مش ناويين ومش هنمشى وهنفضل ماكنا واقفين؟ َأصل أنا الصراحة بقيت خايقة وبقيت شايفة إننا بنرجع للخلف در. ومع ذلك كل ما أصحى من النوم مع بداية كل يوم، بيبقى عندى أمل وبقول بكرة هنبقى أفضل. ويارب تكون 2012 بداية خير لينا وسنة خير علينا ونقول فعلا إننا أفضل