تامر حسني لجمهوره عن حفله اليوم: البسوا جواكت تقيلة

حذر النجم تامر حسني جمهوره من تقلبات الطقس خلال حفله المقرر إقامته اليوم، حيث كتب حسني من خلال خاصية القصص القصيرة علي حسابه الخاص " بالنسبة لحبايب قلبي اللي إن شاء الله جايين حفلتي.. بوصيكوا بجواكت تقيلة جدا بجد الجو مش برد عادي دا تلج".
تامر حسني

وأضاف حسني "أنا في البروفة دلوقتي وتقريبا اتجمدت.. مش هوصيكوا لو عرفتوا تلبسوا جرايد تحت الهدوم ياريت، وخصوصا لو في أي أطفال جايين.. أرجوكم متنسوش".

ويحيى النجم تامر حسنى حفلا غنائيا بإحدى الجامعات الخاصة بمدينة 6 أكتوبر اليوم الأربعاء، ويبدأ الحفل فى ال8 مساءً، ويقدم تامر خلاله باقة من أغانيه، الحديث منها والقديم التى اشتهر بها وحققت نجاحا كبيرا.
كان نجم الجيل تامر حسنى، قد طرح الشهر الماضى أحدث أغنياته التى تحمل اسم "قد التحدى"، على موقع "يوتيوب"، وتبرع بهذا العمل لذوى الهمم ضمن مبادرة يوم التحدى، والأغنية من كلمات محمد القياتى، الحان محمد حمزة، توزيع احمد عادل، والكليب من اخراج خالد الشوربجى.

وعلى مدار الفترة الماضية استرجع النجم تامر حسنى ذكريات واحدة من أشهر حفلاته في المغرب، من خلال حسابه على موقع انستجرام، وتطرق في تعليقه على أحد الفيديوهات بإحساسه أثناء الصعود على المسرح وقتها ليندهش من تواجد جمهور بهذا الكم الكبير الذى وصل إلى 400 ألف ممن حرصوا على الحضور، وقال عن ذلك : "المشهد ده ليه قصة أحب أشارككم فيها.. أول ما طلعت المسرح كنت حاسس أني بحلم أو بيتهيألي أو مش شايف صح لحد ما شوفت اللحظة دي متصورة من العبقري رومير (رامي مسعد) إللي روحت سألته بعد ما طلعت المسرح بدقيقة.. هو أنا شايف صح؟ رد قالي: أنا مصدووم زيك ومش مصدق وحاسس أني بحلم ولما المذيع الكريم أكد اللي شايفينه، راح رامي طلع على ونش كبير كان موجود بالصدفة لشيء آخر وصور اللحظة التاريخية دي اللي عمرها ما حصلت لا معايا ولا مع غيري لمطرب واحد".