يا أم الشهيد

إفرحى إبنك ضحى بروحة عشان يحمينا
رفع صوته بكل شجاعة
وقال عايزين حقوقنا اللى لينا
هتفضل صورته محفورة فى قلوبنا
وده أبسط حقوقه علينا
ولو حقوقنا رجعت لنا يبقى هو السبب
وهتبقى بفضله علينا
كل واحد فينا أب ليه
وكل واحد أم ليه وكلنا قلوبنا عليه حزينة..
مات عشان حاجات ما قدرناش نطلبها
من زمان ومن خوفنا من اللى سرقونا
جرينا
لكن هو وقف وبأعلى صوت قال:
عايزين من حقوقنا وبإيده حقق أمانينا
قال للظالم قوم ارحل
وقال للفاسد من الميدان مش هنرحل
غير لما تعملوا شىء يرضينا
أبنك حقق مطالبنا
ومشى اللى نهبنا وجمعا وجابنا
وصحى ضميرنا فينا..
فكر اللى ناسى وحنن اللى كان قاسى
وقال لهم ده بلدنا ومش هتعلى غير بإيدينا.
ولو عيشنا هنلاقى بكرة جو نضيف
والفقير يلاقى الرغيف
ولو متنا كفاية الناس هتفتكر أسامينا
وفعلاً لما مات كان قلوبنا هى اللى ماتت
ودموعنا نزلت وحدها وكلنا عليه بكينا
إبنك ضحى بعمره عشان الشعب يعيش
وعشان هو صح
إتعاطف معاه الجيش
ومسك بلدنا لغاية ما يسلمها لإيد أمينة
مقدرين حزنك عليه..
وعارين قد إيه موته جرح قلبك
زى الشخص المدبوح
ومدبوح كمان بسكينة
بس فرحة كل واحد كان محتاج حقوقه
والفضل يرجع ليه لإن أحنا كتير من الظالم إشتكينا.
وكل إيد دلوقتى فى مصر بتترفع
تحمد ربها الأول
وكفاية إن كلنا فى سجودنا ليه دعينا