حكاية ثورة!!!!!

هحاول أكتب وأعبر وأقول وأحكى ولكن من البدايه .
من تلاتين سنه ده عمرى اللى شايله وبقى جوايا .
من أيام ما بدأنا نستسلم ونسكن فى صمت دنيايا.
ونتألم ونبكى وما نتكلم لكن لكل ظالم فى يوم نهايه.
حكم ظلم ما عدل وعلى الخسيس اتكل وأه من هوايا.
حاضنه وساكت وبتألم وما دارى إيه هتكون النهايه.
اللى حصل لنا مش قصه واحده تكون عنه كفايه.
واللى شوفناه طول عمرنا حطم أمال وأحلام روايه.
كنا بنحاف نتكلم علشان فى كلامنا يمكن ضياع للحكاية.
صمتنا صمتنا وهما فاكرين إننا خلاص ينموت .
خلاص فاكرين إننا اتسجنا ورحل منّا الصوت.
وكان اللى يتنفس يضرب واه وألف ه من ضرب السوط.
خلى الشريف يصمت واللى بيطالب يلزم السكوت.
ويا ما شرفاء طالبوا ولكن كتير منهم سكن الموت.
عاوز أبكى عاوز اصرخ عاوز أنزل دموعى منى.
لكن أتجمدت جوايا وبقيت واقف وغصب عنى.
أمسك قلم وارسم به حلم وأدعو إليه بكل حب.
حلم يتولد من جديد يغير كل اللى أتأصل فى أعماقنا.
حلمى كان يوم الخامس والعشرين أه حلم وحلم وحلم.
دعينا بعض وما سيبنا حتى طوب الأرض وكنا مع بعض.
مثقفين وعمال ومنا اللى شغال وعال العال ومنا يوم قال.
يلا تعالوا نتجمع وللحق ما نضيع وكفايه بجد كفايه سنين مرت.
أتظلمنا وسكتنا وتاهت سفينتنا فى بحر من ألأحزان.
وشبابنا ماتوا وغرقوا فى بحر كانوا بيهرب فيه من الزمان.
وبينا كتير بقيوا مش لاقيين ومين يا عينى يحن على الغلبان.
وكل اللى يعمل برنامج يا حسرة يلاقى نفسه سكن الطوفان.
لأنه ببرنامجه يا ولداه أثار غضب حاكم كيه البركان.
واللى يكتب يكتب ما لباشا مطمن ان الشعب بقى غلبان.
والفاسد كمان عارف ان ما بقى فيه حد من الأمه فهمان.
لكن دقت الساعة وتم إعلانها على موقع الفيس.
بيوم غضب تعبير عن الفساد وكان من غير أى تهييس.
وخرجت جموعنا تتلاقى من التحرير وحتى رمسيس.
ومن كل حته فى مصر بنطالب بإصلاح يا رئيس.
بنطالب بعدل وعدم فساد ومحاكمة كل خسيس.
وخرجنا والسلام شعارنا وما فيه أى ضجيج حسيس.
ورفعنا رايه الإصلاح واتمنينا يجاوبنا الرئيس.
لكن الفاسدين قالوا دول شباب فيس خنفيس.
ونسيوا إننا أبناء وطن واحد ودمنا واحد.
وضربوا علينا نار ونار ومات منا كتير كتير.
قناصة بيقتلوا ويموتوا شباب بلدهم من غير ضمير.
والسبب إننا طالبنا بإصلاح طالبنا بحكم فيه تغيير.
ثرنا عليهم وما سكتنا ورفضنا الذل من الكبير.
ومعانا ربنا فى كل خطوة ومع كل طلب للتحرير.
إعتصمنا وما خوفنا لأننا أصحاب حق فى التعبير.
عاوزين بلدنا تكون أسمى بلد وإيد بإيد للتعمير.
واه من اللى كان ساجن فينا حتى ولو التفكير.
وهتفت إيدينا وألسنتنا يسقط نظام الإستعباد.
يسقط من بلدنا ومصرنا كل اللى شارك فى الفساد.
وصرخنا واعتصمنا وحان من وقت لأخر الميعاد.
وما نسنيا اللى حصل لينا طول العمر واللى فات.
ورجعت من قلوبنا أهات وألام مرت كانت فى الذكريات.
ابكى يا عيونى وما تخافى اللى راح بقى شهيد ومات.
وما هننساه لأنه جوانا وحقق حلمنا ونجاحنا عاد.
ورحل رئيس كان ودلوقت بنحلم ببني حلمنا فى بلدنا.
إيد واحده تعالوا نقف ونواجه الأزمة والشده.
ما هى دايما بلدنا معودانا على كده لكن راح نعد العدة.
ومن نيلها شربنا وارتوينا وبقينا لحقوقنا فى وقتنا عارفين.
يلا نبنى مصر يلا نعيد مجدها ونعلن للناس أجمعين.
حكاية ثورة هدمت ظلم وأحييت عدل وفيها كنا أمنين.
يا رب يا رب احم وطن العروبة وهبنا حكاما صالحين.
يا رب أحمى شعوبنا من اى ظالم واى فاسد أمين.