أشرف زكى: ضد أى فنان يتجوز فنانة ويقعدها فى البيت

أكد الدكتور أشرف زكى، نقيب المهن التمثيلية، أنه ضد أى فنان يتجوز فنانة ثم يقعدها بعد الجواز، قائلا" ضد أن ممثل يتجوز ممثلة ويقولها قعدى فى البيت هى مكنتش بتعمل حاجه غلط دى موهبة من عند ربنا، أنا اتقدمت لروجينا وهى عندها طموح تبقى ممثلة ناجحة وشاطرة لازم اقف جنبها واشجعها ".
وروى أشرف زكى، خلال برنامج صاحبة السعادة للنجمة إسعاد يونس المذاع على قناة dmc تفاصيل شراءه بدلة الخطوبة، قائلا:" قبل يوم واحد من الخطوبة نزلت مع وحيد سيف، ندور على البدلة لفينا دخلت محل لقيتها وقتها500 جنيه قللته غالية أوى روحنا محل تانى لقيت واحدة حلوة ومضبوطة قام وحيد سيف جابها ليا هدية الخطوبة".
ثم تحدثت روجينا عن هدية فؤاد خليل لها أثناء شراء الشبكة قائلة:" دخلت المحل اشوف الشبكة فضل يقولى دورى على حاجه حلوة لحد ما لقيت اللى عجبنى وجبهولى هدية، مضيفه كان فنان جميل جدا".
يذكر أن برنامج "صاحبة السعادة"، تقدمه الفنانة إسعاد يونس، يومى الاثنين والثلاثاء من كل أسبوع على قناة "dmc"، فى تمام الساعة الحادية عشرة مساء.

اشرف زكى
روجينا
اسعاد يونس
صاحبة السعادة
الموضوعات المتعلقة
أشرف زكى: "وقعت فى حب روجينا من أول نظرة"
الثلاثاء، 17 نوفمبر 2020 11:50 م
أشرف زكى وروجينا فى ضيافة "صاحبة السعادة" الليلة
الثلاثاء، 17 نوفمبر 2020 03:52 م
افتتاح مبهج لمهرجان شرم الشيخ الدولى للمسرح وسط إجراءات احترازية من كل الحضور.. محافظ جنوب سيناء وسميحة أيوب وأشرف زكى يكرمون حنان مطاوع وبيومى فؤاد وإسلام إمام وقاسم إسطنبولى.. وعرض مسرحية "إيزيس".. صور
الثلاثاء، 17 نوفمبر 2020 12:41 ص
روجينا وأشرف زكى مع إسعاد يونس فى "صاحبة السعادة".. غدًا
الإثنين، 16 نوفمبر 2020 12:57 م