الأهلى

غلاوته بتندهلى
ولا باعشق زيه فى الألوان
عنده لعيبه تتقدر
حريفه بتلعب ع الجوان
أخلاق ومبادئ وكرامه
ومهاره بتأسر بيها قلوب
فرسان بتهاجم بضراوه
فى الملعب ترعب دا المطلوب
بعدها تتعامل بأياما
وتروح وتسلم ع المغلوب
بتجيب المكسب بجداره
والجمهور يطلع بالهتافات
مش ضربة حظ ولا شطاره
ولا ناس بتمثل فى الفاولات
لا هأقول لعيبه ولا مدرب
الكل بيلعب للنادى
يا جماله يحبه المتفرج
من يومه واجهه لبلادى
على مر عصوره متفوق
أجيال بتكمل ورا أجيال
الآخر فيهم كالأول
بطولاته وراها عزم رجال
أسماؤهم فى البال والخاطر
والذكرى حياه من بعد حياه
أهدافهم بالصوت والصوره
مهما تتعاد بنقول الآه
ولا يعرفوا يأس ولا هواده
يلعبو كوره لنهاية الشوط
ولايتنرفزوا ولا بيطفشوا
والكوره بتطلع بالمظبوط
أصل البطولات ليها ناسها يا ناس
مش ضربة حظ وبعده خلاص
يمكن فى الزحمه بطوله تروح
واهى مره تعدى كالبقشيش
دا النادى الأهلى نادى القرن
يعنى من الآخر زيه مفيش
أريد أن ابكى كطفل لايدرى ماذا يريد
هل لقدوم العيد يرجو ملبسه الجديد
أم لدمى يلهو بها
أم لأطفال تشاركه بدايته الوليدة
يتعجل بنهم استكشاف أعطاف دنياه
المفعمة بصخبه البرئ
والموشاة بنقوش انامله الغضه
يتعلق بكل متحرك وساكن
تدور عيناه فى كل اتجاه
ولكنه لا يبتعد لحظة واحدة
عن وطنه ومأمنه
صدر أمه