"مع عائلتى الكبيرة".. أحمد حسن كوكا يواصل احتفالاته بالتتويج بالدورى اليونانى

يواصل أحمد حسن كوكا، النجم المصرى المحترف فى صفوف أولمبياكوس اليونانى، احتفالاته بتتويج فريقه ببطولة الدورى اليونانى لكرة القدم، حيث نشر عبر حسابه على انستجرام، صورة له وهو يحتفل مع فريقه بالبطولة، صحبها بتعليق: "مع عائلتى الكبيرة أولمبياكوس".

وكان كوكا، أهدى نجاحه مع الفريق إلى والده الراحل، مؤكدا أن حلم والده هو أن يفتخر بى أمام أهله وأصدقائه، حيث قال له "عايزك ماترجعش مصر غير وإنت مشرفنى بره عايز أفتخر بيك وسط أهلى".


ونشر كوكا صورة كارتونية وهو يحمل كأس بطولة الدورى اليونانى مع والده الراحل، صحبها بتعليق: "يمكن اللى هقوله ده ناس قليلة تعرفه عشان أنا مش بحب أتكلم فى حياتى الشخصية، بس أنا والدى ده من غيره أنا مش حاجة ولا عمرى كنت هبقى حاجة ولا أحقق أى حاجة، بابا الله يرحمه من وأنا عندى 6 سنين ودانى النادى الأهلى، كان أكبر حلم له إنى أطلع لعيب كورة ويفتخر بى قدام أهله وصحابه، وعلى طول معايا فى التمارين والماتشات، ولما يكون عنده شغل ومايعرفش يحضر بيخلى حد يصور الماتش عشان يتفرج عليا بعد كده، أيوه حبه لى وانه يشوفنى بلعب كورة كان حاجه تانية".
وأضاف كوكا: "كبرت وجالى عرض احتراف وهو على طول فى ضهرى، قال لى قبل ما أسافر كلمتين مش هنساهم لآخر يوم فى حياتى (عايزك ماترجعش مصر غير وأنت مشرفنى بره عايز أفتخر بيك وسط أهلى) قلت له إن شاء الله يا بابا، سافرت وفى أول شهر نزلت التمرين ولما رجعت كان فى مطافى وبوليس كتير عند بيتى، فبصيت لاقيت شقتى كلها بتتحرق، كل حاجه كانت عندى فى الشقة راحت، كلمت بابا وقلت له أنا عايز أرجع مش قادر على الغربة واللغة صعبة، وبعد اللى حصل ده يمكن ربنا مش رايد انى أكمل هنا، قال لى أنا بكرة الصبح هجيلك".
وتابع كوكا: "بابا تانى يوم كان عندى وجايب لى لبس جديد كتير وادانى فلوس عشان أجيب اللى عايزه وقال لى أنا جيت عشان أفكرك أنك مش هترجع غير لما تشرفنى وتشرف بلدك، انت فاكر انها سهلة؟ اللى حصل ده يقويك مش يخليك تستسلم".
واختتم كوكا: "الحمد لله على كل حاجة.. بس أنا من غير والدى ماكنتش كملت، الله يرحمك يا أطيب وأحن وأرجل إنسان شوفته فى حياتى، كان نفسى تبقى معايا وتفرح بى، إن شاء الله نتجمع تانى فى الجنة".
وأنهى فريق أولمبياكوس الدورى اليونانى بهزيمة واحدة فقط فى 36 جولة، بعد أن خسر دون أى مباراة فى المسابقة بين 10 فبراير 2019 و12 يوليو 2020، سلسلة من 43 مباراة جعلت، خلال عدة أشهر من هذا الموسم، كان الفريق الأوروبى لأطول وقت دون خسارة فى الدورى.
احمد حسن كوكا
كوكا
الدورى اليونانى
اليونان
اولمبياكوس اليونانى
ٔولمبياكوس
الموضوعات المتعلقة
أولمبياكوس اليونانى يفاوض وليد أزارو تحسبا لفشل ضم أحمد حسن كوكا
الإثنين، 27 يوليه 2020 03:27 م
كوكا يهدى والده الراحل بطولة الدورى اليونانى: كان نفسى تبقى معايا
الجمعة، 24 يوليه 2020 10:47 ص
محمد صلاح يداعب كوكا على "تويتر" بعد تتويجه بالدوري اليوناني..اعرف قال ايه
الإثنين، 20 يوليه 2020 10:47 م
إصابة كوكا خلال مباراة أولمبياكوس مع هراكليوس واستبداله فى الدقيقة 25
الأربعاء، 15 يوليه 2020 07:30 م
بمشاركة كوكا.. أولمبياكوس يتلقى خسارة قاتلة من باوك في الدوري اليوناني
الأحد، 12 يوليه 2020 11:41 م