كريم قاسم يحكى تجربته بعد إصابته بفيروس كورونا .. فيديو

شارك الفنان كريم قاسم، جمهوره و كل متابعيه بفيديو له عبر حسابه على إنستجرام يحكى تجربته مع فيروس كورونا بعد إصابته به منذ 3 أسابيع، وفى بداية الفيديو تحدث كريم قاسم أنه أصيب بفيروس كورونا منذ 3 أسابيع وقرر الحديث عن الأعراض التى ظهرت عليه وكيف تعامل مع الفيروس، قائلا:" عرفت بكورونا فى شهر 3 وعايش مع والدى لوحدنا عنده 79 سنه اترعبت و كنت خايف عليه و سبت البيت عشان كنت بنزل اشتغل وعندى التزامات مكنش ينفع اوقف شغل خلصت تصوير آخر أبريل يوم 17 و 18 مايو ظهر لى أعراض كورونا و أول حاجة ظهرت صداع جامد حرارة تكسير فى العظام جامد جدا".

وتابع كريم قاسم،" بعد 12 ساعة ما ظهرت الاعراض كلمت كل اللى قابلتهم فى أخر 14 يوما للإطمئنان على نفسهم، رابع وخامس يوم كنت بموت و فقدت حاسه التذوق و كنت هعمل فيديو الوصية و باخد بالى من نفسى لوحدى و صعبت عليا نفسى و كنت خايف أموت لوحدى و يكسره عليا باب الشقة، سادس وسابع يوم بدأت اتحسن ".

وأضاف، بعمل الفيديو ده ليه عشان الناس اللى جالها كورونا واللى هيجلها كورونا، يمكن شهادتى تفيد ناس كتيرة عندك أعراض كحة خفيفه اسهال ترجيع صداع خليك فى البيت وعالج نفسك متخدش مكان حد محتاج مكان فى المستشفى، الموضوع مش سهل ولا بسيط ولا هزار الموضوع جد مش دور برد وخلاص لو حد كلمك و قالك انه جاله أعراض كورونا اسمعه كويس متستهرش بكلامه، ولو اتعملنا بوعى الموضوع هيعدى".

واختتم كريم قاسم، الفيديو بشكر جميع الناس التى سألت علي و أطمئنت عليه وأعطت له طاقة إيجابية وأرسلت له طعام من أصدقائه و أسرته.





View this post on Instagram









حبيت اشارك تجربتي و اتمني انها تساعد اي حد يمر بالتجربة دي #كورونا_مش_عيب
A post shared by Karim Kassem (@karimkassem86) on
Jun 7, 2020 at 3:09am PDT

كريم قاسم
اصابه كريم قاسم بكورونا
كورونا
فيروس كورونا
اليوم السابع بلس
الموضوعات المتعلقة
كريم قاسم يصاب بفيروس كورونا.. ويؤكد: أتعافى تدريجيا
الأحد، 07 يونيو 2020 02:46 ص
كريم قاسم ل«اليوم السابع»: أنا مش «ابن ناس» دايما.. «لما كنا صغيرين» قربنى من ريهام حجاج وأصبحنا أصدقاء فى الحقيقة.. والتمثيل أمام محمود حميدة وخالد النبوى «متعة»
الثلاثاء، 26 مايو 2020 07:53 م
"لما كنا صغيرين" الحلقة 29.. ريهام حجاج تخلصت من نبيل عيسى وقتلت كريم قاسم
السبت، 23 مايو 2020 02:18 ص