وزير التعليم: نحن متواجدون بكل مجموعات الغش وعندنا الأسامى والأرقام

أكد الدكتور طارق شوقى، وزير التربية والتعليم والتعليم الفنى، أن الوزارة تقدم طريقة جديدة للتعلم، مضيفًا: "قلنا إننا عاوزين الولد يبذل أى قدر من الجهد ونعلمه العمل الجماعى والتعلم والمحاولة، إنما غير كده بنعلمه الغش وإنه يبقى غير صادق وإنه يحط على حاجة مش بتاعته وإن تجيله النتيجة بلا تعب".
وقال وزير التعليم، خلال مداخلة هاتفية مع الإعلامية سارة حازم ببرنامج "مساء DMC"، المذاع على شاشة "إكسترا نيوز"، :"عندنا طريقة إننا نعرف لو البحث الطالب عمله ولا لأ، نقدر، وموجودين فى كل مجموعات الغش، وعارفين بيغشوا إزاى، وعارفين مين اللى بيغش، وعندنا أساميهم وأرقامهم".
وتابع: "عاوزين يستقر فى وعى الناس إننا نفسنا نتعلم مش نغش وخلاص، إننا نحط الكاميرات ونراقب الناس مش دى جذور المشكلة، جذور المشكلة، إننا نسأل نفسنا، عاوزين نتعلم ولا كل حاجة بلا جهد.. الغشاشون يهدرون تكافؤ الفرص.. نحن موجودين فى كل مجموعات الغش.. وعندنا الأسامى والأرقام".
وأضاف: "واللى مش عاوز يتعلم لازم يواجه نفسه، وإحنا قررنا نعمل المواجهة دى دلوقتى، لأن الدولة بتصرف على التعليم، ويجب أن الفلوس اللى بتتصرف تذهب فى مكانها لمن يريد ويحاول أن يتعلم، ومن لا يريد أن يتعلم فهو مسؤول عن نفسه".
طارق شوقى
وزير التعليم
الطلاب
الامتحانات
الأبحاث
الغش
التلفزيون
الموضوعات المتعلقة
طارق شوقى: التربية قبل التعليم ومن شارك بالغش الجماعى أو اشترى بحثا عقابه دخول امتحان الدور الثانى.. رصد أولياء أمور يحرضون أبناءهم على الغش بالامتحان الإلكترونى..طلاب أولى ثانوى يؤدون الإنجليزي دون عطل السيستم
السبت، 02 مايو 2020 04:16 م
طارق شوقى يستنكر تحريض والدة إحدى التلميذات على الغش
السبت، 02 مايو 2020 03:02 ص