دينا عبد الرحمن

مش فارقه وياكى كتير
كفاياكى هاتعيشى بضمير
كفاياكى إنك تفضلى
فى قلب الصغير والكبير
......
ألفين قناة فى الانتظار
واللى يحبوكى كُتار
مين راح يطول يلقى معاه
(دينا) اللى طلعتها نهار
......
اللى يسيبك يخسرك
يخسر ويفقد منبرك
يا قمة عالية فى السما
فى الأرض مين هايقدرك
......
أوعى يا (دينا) تركعى
أو عن قرارك ترجعى
أو تلحسى كل الصحون
وفى طرد حسنى تدمعى!
......
أوعى تهون حريتك
أو تمشى عن غير رغبتك
أو تغفلى عن صوت ضميرك
خلى ضميرك كلمتك
.......