قالت الفنانة صابرين، رداً على من يثيرون الجدل بسبب الحجاب :"فاضيين.. اشغلوا نفسكم بنفسكم، صلوا أكتر، وادعولى من قلبكم لو بتحبونى، إن ربنا يدينى الطريق الأصلح". وأضافت خلال لقائها ببرنامج "حفلة 11"، على فضائية "ON E"، مع الإعلامية سمر يسرى، قائلة: أنا مرة طلعت فى برنامج وقلت أنا مش محجبة، وبلبس باروكة، عاجبنى الاستايل ده، وطلعوا قالوا الإسلام مش ستايل. وتابعت: قابلتنى واحدة فى المول وقالتلى مش انتى مش محجبة، ليه لابسة دى"، مردفة:"قلتلها محبش أعمل شعرى، وبخاف على شعرى ليوقع". وعن منتقديها بسبب الحجاب، تقول:"اللى ينزل معايا القبر يقولى ألبس ايه وملبسش ايه، لأنى هنزل لوحدى محدش معايا، فى أوروبا ناس بيلبسوا كات وأحسن منى مليون مرة، متبصوش للناس من صورهم الخارجية". وأردفت:"عمرى ما قلت الفن حرام، واعتزلت فترة لظروف شخصية، حصلى حاجة غريبة من النجاح، وبقيت خايفة منه، ومبقتش بحب النجاح أوى، أنا قعدت فى البيت ابنى تعب أوى واتطلقت، الله أعلم عين ولا ايه". وذكرت أنه لو عُرض عليها دور فتاة ليل ستقبله، ويمكن أن تقوم بمفردات تظهر أنها فتاة ليل، وليس شرط أن تظهر بملابس عارية.
