وائل عبد الودود حسين يكتب: الرصيد خلص

إلا على ولاد الحرام
طلعوا فالصو وقشرة
ما يستاهلوا حتى السلام
قلة أصل قصر الكلام
شافوا منا كل التمام
ود وحب واهتمام
وضوح وصراحة والتزام
وقلوبنا فى عشق وغرام
رسموا علينا الانسجام
مَثَّلَوا الحب والهيام
أفعالهم مصدرها إلهام
شفنا معاهم عذاب الايام
حركاتهم شغل أفلام
مسلسلات تقعد اعوام
كلامهم كدب و بكام
ووعودهم كانت اوهام
كان على وشوشنا الغمام
قالوا تعالى نعدى لقدام
لقيت الطريق كله غيام
وفى ايدهم كان اللجام
زارعين فى الطريق ألغام
لقيت الطريق كله حطام
كان خداع على الدوام
ومن خيبتنا وطيبتنا
افتكرناه غية حمام
والطعنة راحت جت قوام
قتلت قلوبنا بالسهام
لا فى اى دين ولا الاسلام
ما سمعنا للكلام التمام
واشترينا ناس اى كلام
واهى ثبتت لينا الايام
مين هما حبايبنا
ومين كانوا اللئام
لا عتاب ولا ملام
يله فى داهية
تغور معاهم الاحلام
ولا حتى علامة استفهام
زهق وقرف على الدوام
اصنام فى صور اجسام
الضمير فى حالة انعدام
والشخصية فيها انفصام
ادنى انواع الاحترام
لما كلوا معانا الحمام
كان جوع طفاسة طعام
الفراق احسن مش الخصام
لا تراجع ولا استسلام
الجرح مسيره الالتئام
راح اعيش باستجمام
فى الحياة وبانسجام
وده انتصار مش انهزام
كنت معاهم عايش فى ظلام
وافعالهم كلها اجرام
افعال شياطين على الدوام
دى لو كتبت الاقلام
كانت صدرت عليهم الاحكام
نطقت وحكمت بالإعدام
طلعوا فى نظرى اقزام
لا اصل ولا من نسل كرام
اللى عامل شهم ومقدام
طلع ثعبان كوبرا سام
أو ورم من الاورام
اطنان زبالة بالأكوام
ورق مقطع وعليه اختام
هدوم متسخة مليانه اخرام
مش وش طبيعى ده وش اجرام
وخسارة الزعل ولو جرام
ولا حتى اى الالام
دلوقتى اعرف ارتاح وانام
ولو اتنطط وقعد وقام
بصلة معفنة بعد صيام
هم وانزاح على ما يرام
جزمة قديمة ما ليها ارقام
زغرطى يله يا انعام
اكسرى القلّة ورا الاغنام
واقعدى واسمعى الانغام
راح ادوس عليهم للأمام
الرصيد خلص
لكن ما خلص الكلام
حتى ولو طلبوا كل الارقام