ابنة هشام بركات تنعى شهداء الوطن بقصيدة على "فيس بوك"

نعت مروة هشام بركات، ابنة النائب العام الشهيد، المستشار هشام بركات، شهداء حادث الواحات البحرية الإرهابى فى الجيزة، أمس الجمعة، خلال مواجهة عصابة إرهابية.

ونشرت القاضية مروة هشام بركات، قصيدة على صفحتها بموقع التواصل الاجتماعى "فيس بوك" تقول:

وجاءت القصيدة كالتالى ..
شهيد يعنى شخص قرر يستغنى عن كل حاجة عشان بلده
شهيد يعنى عيلة بحالها عايشة بتتوجع كل ثانية على فراق الغاليين
شهيد يعنى ام مابتنامش الليل واب قلبه محروق واخوات حياتهم فاضية من غير الاخ
شهيد يعنى اب وام ربوا وكبروا وشافوا ابنهم راجل ادامهم بيضحى بدمه عشان البلد وراضيين ومش متذمرين
شهيد يعنى زوجة بطلة سابها بطلها تكافح وتكمل المشوار من غيره , عايشه حياتها على سيرته وبطولت
شهيد يعنى بنته اللي كان هو ابوها واخوها وحبيبها وصديقها وحياتها ضهرها اللى كان شايلها وهوحاميها
شهيد يعنى اولاد ماشافوش ابوهم اولاد سابهم وهما لسه صغيرين اولاد محتاجين ابوهم محتاجين السند والضهر .
شهيد يعنى بطل بيفدى البلد بناسها ولسه جندى مجهول فيه كتير مايعرفهوش
شهيد يعنى لسه فيه ناس مش فاهمه يعنى ايه انسان بيموت علشانهم وحامى حدودهم
كلمة شهيد ... كلمة تقيلة لها وزنها وآن اوان نفهم وندرك معناها ونفهم ان اللى بيموتوا وبيفدوا مصر دول مش مجرد ارقام فى قايمة نشوفها ونقول الله يرحمهم , لأ دى كلمة معناها ان لولا الشهدا دول ماكنش بقي فيه مصر .. قلتها لما استشهد والدى .
مصر ليها كتير بس انامكنش ليا غيره .. فعلا مكنش ليا غيره ومصر كمان ملهاش غير رجالتها.
ولاد بلدك رجال شعور بالفخر والقوه مقترن بوفاه القلب كون انى بنت البطل الشهيد
كل التحية الى روح والدى البطل و كل شهيد فى بطن الارض حى مازال يعلمنا كيف نحب الوطن

مروه هشام بركات