فهمتكم!

خلاص ضاع الزمن منك فهمت الشعب متأخر
سنين العمر قضيتها فى نهب الشعب مش أكتر
قضيت من بدرى على نفسك قضيت من بدرى على عرشك
وبعد سنين لازم تفهم بأن العالم اتغير
......
خلاص ضاع الزمن منك فى جبروتك وقهر الناس
وفاكر ان بالقوه هاتقدر تكتم الأنفاس
وفاكر شعبك المسكين هايتحمل ليوم الدين
سفالة وقهر وإهانة وحاكم فاقد الإحساس
......
خلاص ضاع الزمن منك وكان لازم فى يوم تمشى
ركوب الخاين الظالم على الأحرار ماينفعشى
طبيعى للزمان دورات يبدل فيها ناس وحاجات
وتتمنى طلوع روحك لكن روحك متطلعشى
......
خلاص ضاع الزمن منك ومقدرتش زمان تفهم
بأن الشعب شعب عظيم وهو الحاكم الأعظم
وليه من بدرى مافهمتش؟ وليه م الظلم مرجعتش
وليه فاكر بكرباجك هايفضل الشباب أبكم
......
خلاص ضاع الزمن منك وضاعت سلطة الحاكم
ومطلوب تيجى على وشك بأمر الشعب تتحاكم
ومهما هربت سنه واتنين هاتتنقل بين الزنازين
وحتى هاتيجى بعد الموت لحُكم العادل الحاكم
......