أحلى حاجة ف الشتا الشوارع مستحمية والناس متكلفتة ف بيوتها مستخبية وأحلى حاجة كمان لما تأخذ حُمّاية بمية من السخان أو تأكلك جيلاتاية وإحساسك أنك دفيان من صهد الدفاية وبخار طالع من حلة على كف إيديك وبطانية من غزل المحلة م البرد تدفيك أحلى حاجة ف الشتا من وأنا صغير أغرّق هدومى المتكلفتة ولما أروّح أغيّر وأنفخ بنفسّى ع الأزاز وأعمل شبورة وبصباعى أعمل برواز وأرسم جواه صورة وأنام والميّه بتخّبط ع الشيش ولو صحيت لقيتها مبتشتيش بفضل زى ما أنا ف الكلفتة ما هو ده أحلى حاجه ف الشتا