فيها حاجه من الغيوم افتكرت معاه زمان لما كان يجي الشتا المطر منشد فصيح والعيال متكلفته كان بيجي وقت تجليد الكتب وقت تحضير المرايل لما كنا نروح نجيب العيش لبكره لما كان الحلم قايل النهارده الدنيا تشتي بكره يمشي وتيجي شمسي بكره وشي يبقي خالي من الهموم النهارده كات ملامحه فيها حاجه من الغيوم الشتا ما بقاش صريح الغيوم ساعات يدوم اوقات كتير واحنا لسه في انتظار حبه مطر كان زمان الريح مايعرفش الخطر كان بينفخ في الاراجوز الورق واحنا بنشر العرق في طريق حلم العيال الي مافيهوش مفترق افتكرت حاجات كتيره لما كان صوت المطر زي الايقاع افتكرت ان الامل كان مستطاع واحنا واقفين في الطابور واحنا بنغني النشيد كان اكيد برد الشتا . كات ملامحه خير بقمحه مش حزينه ومحبطه كان ابويا الفجر وف عز المطر قادر يقوم النهارده كات ملامحه فيها حاجه من الغيوم النهارده ادم ابني كان بيبني طيارت مره تطلع م الورق ومره تانيه مكعبات قالي نفس اطير لفوق قلتله بتعرف تسوق قالي فين الشمس راحت قلته دي بتسخبه عد من واحد لعشره وانتظرها بس حبه لو ماجتشي روح لها وما تتكسفش عمرها في حلمك ما تمشي اصلها مالهاش في نوم النهارده كات ملامحه فيها حاجه من الغيوم ___________________ البرازيل 2010 مواضيع ذات صلة 1. سامي إسماعيل : شئ يشبه المؤامرة.. صورة لامرأة تسرق آخر ورداتها 2. رشيد يراجع عقد عمر أفندي .. ومصادر: المستثمر السعودي خالف البنود 3. مرض العاهل السعودي وولي العهد يعيد فتح ملف الخلافة في السعودية 4. ولي العهد السعودي يقطع “إجازته الخاصة” ويعود قبيل سفر الملك ..وحديث الخلافة يتصاعد 5. الصحة : 66 مصاب فى سقوط مدرج الجمهور في حفل عمرو دياب بجامعة المستقبل