بالصور.. الرئيس السيسى يعد المواطنين: "هسلمكم المشروعات خالصة فى 2018"

كتب سمير حسنى – محمد شعلان – محسن البديوى
أكد الرئيس عبد الفتاح السيسى، فى رسالته للمزارعين، أن الدولة تعمل على توفير البنية التحتية من كهرباء ومياه وطرق بالمشروعات الزراعية، موضحاً أن هذه الأمر يكلف الدولة الكثير من الأموال، التى قد تصل فى بعض المناطق للمليارات.
الرئيس السيسى للمواطنين : "هسلمكم المشروعات فى... by youm7
وقال الرئيس خلال افتتاح مجموعة من المشروعات التنموية بمحافظات الصعيد، إن الدولة تسلم المزارعين أراض بها زراعة حديثة وأنظمة صرف وشبكات كهربائية جيدة، مؤكداً أن أعمال البنية الأساسية من كهرباء ومياه وطرق، ما يؤدى لتعثر المشروعات أمر ضرورى، مستطرداً :"يوم 30 يونيو 2018 أى حاجة هعرضها عليكم هسلمهالكم خالصة".
وفى رسالته لرئيس شركة الريف المصرى، قال: "لو لم تطرح للناس المشروع متكامل فسيتم الحصول على الأرض دون تقديم شيء.. نحن نقوم بمشروع كامل من كهرباء ومياه وطرق حتى يشتغل المواطن فعليا، والأمر يتطلب توفير ذلك"، قائلاً للمواطنين:"لا تفرحوا بالحصول على أرض غير جاهزة وتقولوا سننفق عليها..المشوار سيكون طويلا عليكم.. نحن نقوم بهذا كدولة بتكلفة أقل وبشكل متكامل يتيح لك مزرعة نموذجية".
























الرئيس السيسى
المزارع
مصر
الصعيد
المشروعات
انطلاق معارض "أهلاً رمضان" بالمحافظات لطرح السلع بأسعار مخفضة
محافظ الشرقية يوضح حقيقة عرض سيدة أولادها للبيع.. ويؤكد: "ابتزاز رخيص"
مفاجأة.."الإخوان" تستعين بدجال مغربى للكشف عن اختفاء 150ألف دولار منها فى لندن.. مصادر..الجماعة فتحت تحقيقا موسعا ورفضت إبلاغ الأجهزة الأمنية.. وخبراء: السرقات بدأت منذ عهد البنا وبعضهم سرق أموال تبرعات لفلسطين
الحكومة تتعاقد على شراء 295 ألف طن قمح روسى ورومانى لسد العجز.. "التموين" تستلم مليونى طن من الزارعين.. وتؤكد: المخزون يكفى 5 أشهر لإنتاج الخبز المدعم.. ومصادر : نستورد 6 ملايين طن قمح سنويا لتوفير دعم الخبز
9 محترفين فى قائمة كوبر استعداداً لمواجهة تونس
"الوزراء" ينشر تفاصيل المرحلة الجديدة من برنامج الرئاسة لتأهيل الشباب
تعليقات (8)
1
يا ريت الناس تقدر
بواسطة: احمد
بتاريخ:
يا ريت الناس تقدر الكلام ده
2
انتو ايه مش فاهمينا
بواسطة: Ahmed Ibrahim
بتاريخ:
ليه الحكام متفهمش المحكومين سؤال هام للغاية يحتاج الدراسة بحق !!!!! فيه ملايين البسطاء مش عاوزين اى حاجة غير اللى ف جيبه يكفيه هو وعياله ده طموحنا كلنا .... احنا مش هنفهم الطرق والكباري والظلط والرمل اللى هيكونوا جاهزين ف 2018 ممكن يكون اللى بيتعمل ده مهم ممكن .... بس قبل ده كان لازم يكون البنى آدم الاول أكله وشربه وعياله قبل الطريق والكبرى والظلط والاسمنت كان لازم اكلنا واكل عيالنا يبقى رخيص فى متناول أيدينا ..... للأسف احنا طلعنا السلم من فوق مش من تحت !!!!! يا سادة الانسان الاول قبل ما نعمل له طريق يمشى عليه نوفر له لقمته بسعر يسهل الحصول عليه هو وعياله وبعد كده نشوفله الطريق اللى يمشى عليه ... انما اكيد او عملنا له الطريق الاول وهو جعان مش هيعرف يمشى عليه ويمكن يموت والطريق يفضّل عايش .... افهمونا يرحمكم من خلق ...
3
فين
بواسطة: hazem
بتاريخ:
فين المؤتمر الاقتصادي اللي قعدتوا تهللوا عليه و المشروعات الاقتصادية العملاقة و المصانع الجديدة اللي وعدتونا بيها ؟ الاسعار عمالة تزيد و الدعم عمالين تقللولوه لغاية ما هتلغوه نهائيا و المرتبات ضعيفة
4
طالما قال سيصدق
بواسطة: اسماعيل
بتاريخ:
ان شاء الله انت وش الخير يارب تعود هذه المشاريع بالخير على الجميع
5
الي رقم 2
بواسطة: Hassan
بتاريخ:
علشان توفر اللقمة لازم تعمل طريق علشان مصانع وعلشان تنقل الاكل بأقل تكلفه ولا الزلط والأسمنت علشان يكون ليك مكان قادمي انتا وعيالك، انا عارف انها معادله صعبه ع ناس كتير بس نعمل ايه، هو ده ف رأي الصح، لازم نستحمل شويتين، ولو مقتنع بالرجال ده اعتقد هاتننظر المنتج،اسف لو رأى مش عجبك، شكرآ
6
الأربعة وستين مليار كانوا يبنوا كام مصنع؟
بواسطة: زياد
بتاريخ:
ماشي الطرق والكباري والحفر والترع على العين والراس بس فيه حاجة اسمها تفكير استراتيجي ، يعني البلد فيها جيوش من العاطلين وبتعتمد على الاستيراد ، مش الأحسن أبنى مصانع تشغل العاطلين وتقلل الاعتماد على الاستيراد وتدعم الصناعة المحلية وبعد كده ابنى الحفر والترع والقنوات براحتك ، بس على الأقل حتخفف على الناس جحيم البطالة وارتفاع الأسعار بسبب الاستيراد
7
غرببة
بواسطة: بركة
بتاريخ:
للتعليق 2 و 6 .. نسيتوا مين خرب البلد في يناير الاسود .. مين قفل آلاف المصانع ، مين دمر السياحة ، مين حرق المؤسسات ، مين ضيع 50 مليار دولار احتياطي ( تخيلوا لو المبلغ ده كان موجود مع الرئيس السيسي النهاردة ) 2 و 6 .. عايزين كن فيكون .. الرئيس بيصلح في كوارث وخراب .. مفيش حيطان والجماعة عايزين حل لكل المشاكل في لحظة .. ناسيين الحرب الشرسة ضد مصر والتآمر والحصار الاقتصادي .. مصر فيها ملايين الاجانب والسوريين بيشتغلوا عشان عايزين يشتغلوا .. الشركات الاجنبية بتطالب باستقدام عمالة فلبينية وباكستانية لان العواطلية بتوعنا بيتشرطوا قبل ما يشتغلوا .. ولو سافر برة يشتغل أي حاجة لان حضرته باصص لقريبه اللي في القرية او صاحبه اللي سافر برة ومش عايز حد يشوفه وهو بيشتغل شغله يدوية بسيطة !!!! .. الهيئة الهندسية طالبة النجار والحداد ب 6 آلاف جنيه ومفيش .. الحفار بياخد 20 الف جنيه ومحدش عايز يتدرب ويصنع نفسه .. بس شغلتنا الوحيدة.. عايزين الحكومة .. الدولة تعملنا ومطلوب تعمل لنا ..!! إدمان الشكوى من اجل الشكوى .. نتحرك مع الرئيس ونبعد عن الفلسفة وشغل الفيسبوك .. على الاعلام التوعية بالعمل وعرض المشاريع ( اللي الابراشي لايمكن يشوفها ) !!!!!!! فيه ناس بتقول بلاش انفاق تحت قناة السويس وندي الناس بدالها زيت وسكر ونخللي سيناء معزولة عشان تضيع مننا !!!! . الموضوعية والامانة اما لو كانوا 2 و 6 من الجماعة اياها او النتعاطفين معاها يبقى أنا آسف على النصيحة لان مافيش فايدة فيهم .. هنعدي وهنعبر وشعب مصر صابر وشايف وخايف على بلده لكن البعض بيتكلم باسم شعب مصر وغرضهم مكشوف ومعروف .. العمل .. أي عمل .. العمل .. أي نوع من العمل .. بارك الله في كل يد تعمل وتسعى للعمل زي ملايين الاجانب والسوريين اللي بيعملوا بلاخجل او تردد .
8
رقم 7 أنا رقم 6
بواسطة: زياد
بتاريخ:
وآلاف المصانع اللي اتقفلت دي ما ينفعش نفتحها تاني بدل ما إحنا بنقفل قدها ، واضح إن حضرتك مش داري باللي بيحصل ، يا محترم الدولة بتحارب الإنتاج المحلي ، شوف المصانع والورش اللي اتقفلت مش أيام يناير ، اللي اتقفلت دلوقتي ، تفسيرك ليها إيه ؟ ورش الغزل والنسيج في الغربية مش لاقيين مواد الإنتاج بسبب ارتفاع الأسعار ، ودي صناعة واحدة من بين صناعات كتير الدولة مش بتدعمها وبتدفع الناس للاستيراد ، يعني هو عشان المصانع اتقفلت بعد يناير ، نكمل عليها كمان ونقفل مصانع قدها ؟ سبحان الله ، التطبيل ده بيعمي الأبصار ، هو أنا باقول ندي الناس زيت وسكر ولا باقول نبني مصانع تنتج وتصدر والبلد تستفيد !!!!!!!
اضف تعليق
الأسم
البريد الالكترونى
عنوان التعليق
التعليق
مشاركتك بالتعليق تعنى أنك قرأت بروتوكول نشر التعليقات على اليوم السابع، وأنك تتحمل المسئولية الأدبية والقانونية عن نشر هذا التعليق بروتوكول نشر التعليقات من اليوم السابع