سعد الشرقاوى يكتب: اليتيم

وأمّا افتكركم تنسوني
كٌتر البٌكا دوّبنى خلاص
والدمعة جفّت فى عيونى
=======
مين بعد ابويا يراعينى؟
وف حضن حٌبّه يد فينى
فى الحر ضلٌّه يرطّبنى
وف البرد عطفه يغطينى
=======
ليه الزمن يغدر بيّا؟
وقلوب الناس تأسى عليّا
من غير سبب ليه كرهوني
والغلطه محسوبه عليه
=======
ليه كل واحد قال إبني
وع المعدّيه يسيبني
يفرح بإبنُه إن خد كومُه
والعين تروح ع اللى ينوبني
=======
قولوله مره ياخلق الله
يبقى ساعتها ياخدنى معاه
يكفينى فضلة اولاده
وثوابه ح يكون عند الله
=======
الكل منى بيتألّّم
ويمشى من قبل ما سلّم
يقبل هزار غيرى وغلطُه
ويشتمنى من غير ماتكلم
=======
الصبر طوّلها عليّا
والدنيا ضلمة فى عنيّا
والخلق منى بتتهرّب
ما بتنشحتش الحنيّه
=======
هاتى يادنيا كتير هاتي
وزوّدى ف ليلى اهاتي
مهما الزمن يغدر بينا
صابر عليه انا واخواتي
=======
لا خال بيسأل ولا عميّ
ولاحد يوم بيشيل همي
من يوم ماودعنا ابويا
والحمل زايد على أميّ
=======
ليه يازمن منتاش حسّاس
تهمت امى بأى أساس
ويوم ماتجرى على ولادها
ما تكتفيش بكلام الناس
=======
معانا الزمان صفىّ حسابُه
كل اللى نا وى عليه جابه
ولمّا سلّمناله روحْنا
بيعضّنا ليه بنيابٌه
=======
الخلق فتحالنا عنيها
وكأننا من أعاديها
وفكّرت أنها دايمه
والكاس ما حايلف عليها
=======
يادنيا ليه بتحاربينا
وعن كل شيء بتحاسبينا
فى الرّاحه دايما والجايه
بكل قسْوة تسبّينا
=======
باقول يارب تقدّرنا
وتبعد شرورهم عن دارنا
وتصرف ازاهم نواحينا
واحنا بس تصّبرنا
=======
ماحد غيرك يراعينا
يا رب ويحن علينا
يكفينا عطفك وحنانك
مافيش غيرك عالم بينا
اليتيم
يوم اليتيم
الاحتفال بيوم اليتيم
قصائد شعرية
موسكو تعلق العمل باتفاقها مع واشنطن لمنع وقوع حوادث جوية فى المجال السورى
ضبط مسئول بشركة تجارة الجملة فى قنا لتخزينه 226 طن أرز
"خزعبلات ع الشاشة": السادات يخرج من القبر للتليفزيون لإسداء النصائح.. والكائنات الفضائية تظهر فى سيوة.. وشخص يدعى الحديث مع الله.. وآخر يزعم: الحج فى سيناء أعلى منزله من مكة ويحلل شرب الخمر بشرط عدم السُكر
أمريكا تعاقب الأسد ردا على"كيماوى شيخون"..59 صاروخا تدمر قاعدة الشعيرات.. دمشق: مقتل5 وإخلاء المطار قبل القصف وتؤكد: الضربة تخدم الإرهابيين.. تأييد بريطانى سعودى وإيران تعترض.. وروسيا تدعو لاجتماع مجلس الأمن
8 معلومات لا تعرفها عن النسخة اللايت من موقع تويتر
اتفرج واتمتع.. أجمل أهداف ومهارات كهربا مع اتحاد جدة قبل كلاسيكو النصر
لا توجد تعليقات على الخبر
لا يوجد المزيد من التعليقات.
اضف تعليق
الأسم
البريد الالكترونى
عنوان التعليق
التعليق
مشاركتك بالتعليق تعنى أنك قرأت بروتوكول نشر التعليقات على اليوم السابع، وأنك تتحمل المسئولية الأدبية والقانونية عن نشر هذا التعليق بروتوكول نشر التعليقات من اليوم السابع