فى ذكرى أسود عبرت القنال

ستة أكتوبر عاد أمجادنا صحح وضع ف كل مجال
هبت كل أسود الجيش لازم نعدى خط قنال
نمسح دمع لنكسة كئيبة وصدق النية مافهياش محال
سينا وطابا عادت لحضنك غنوة فرايحى بكعب غزال
جيشك حطم إيد الظلم وعُمْرالظلم مايبنى أمال
كان طمعان يخش بلادنا ابنك ثار بنار زلزال
خلاه يصحى يلاقى قيامة دا مصر اتغير فيها الحال
عادت مصر لكل تاريخها دا النكسة كانت سوء أحوال
إزاى مصرتعيش بهزيمة؟! ومعاها خيرالجند رجال
جيشك غيَّر فن الحرب عزيمة إرادة تهز جبال
خلا عدوك أصبح عبرة خلاه طول العمر مثال
كان مغرور هيمان متكبر راسم وهم بفكر خيال
بيقول نيل وفرات حدودنا بيهوى الكدب وكل ضلال
جيشك حطم كل مطامعه وحلم الباطل راح واتزال
ابنك جابلك نصرهدية مِسك يفوح من تحت رمال
الله وأكبر سر نجاحنا مجد يعيش عبر الأجيال
ستة أكتوبر عاد أمجادنا صحح وضع ف كل مجال