أحمد آدم ل تامر حبيب: حكمك على من خلال البرومو "مصيبة"

علق الفنان أحمد آدم، فى برنامجه "بنى آدم شو" والمذاع على قناة "الحياة"، على الهجوم عليه بسبب تصريحاته بشأن حلب، قائلًا "لسه ديل الكلب شغال معايا وبتهدد دلوقتى، مكنتش عارف إنى تاعبهم وحارقهم أوى كده، مكنتش متخيل أن الضحك اللى بنضحكه ده بيضايقهم أوى كده، والله هما مش عاوزين حد يضحك، ولا عاوزينا نفرح".
وتابع "آدم"، خلال برنامجه "بنى آدم شو"، لم أتصور أن برنامجى يهز كيان قنوات فضائية كبيرة، ينفق عليها مليارات، لا أصدق أن برنامجى هز محطات بهذا الشكل.
وأضاف "كنا بنهزر خدوها جد ليه وقولتونى كلام مقولتهوش، الدنيا قامت عليا بسبب خبر فبركوه ليا، وعشت وشوفت نظرية ديل الكلب بتطبق عليا".
وسخر الفنان أحمد آدم، من الارتفاع الشديد فى درجات الحرارة الفترة الماضية، قائلًا: "مش معقول الحر، والأرصاد بتقول لسة انتظروا موجة حار قادمة". وأضاف كنت بحس أن الشمس طالعة هيا وأولادها، اللى بيحصل مش طبيعى، وبسمع درجات حرارة غريبة، يعنى لو أنت جعان وسايق ممكن تقلى بيضتين على التابلوه".
وأكد الفنان أحمد آدم، أنه لم يقصد إهانة الشهداء فى حلب أو السخرية منهم، مشيرا إلى أنه هاجم قناة الجزيرة وتركيا فقط.
وقال آدم: "مش ممكن أتريق على شهداء.. وأنا مش كوميديان غبى، ولو عملت كدة الجمهور عمره ماهيضحك على اللى بقدمه". وتابع: "مينفعش تتريق على أى فضيلة، لأن التريقة علشان تجيب ضحك لازم تبقى على الرذائل.. مينفعش تتريق على الكريم لكن ممكن تتريق على البخيل، ومينفعش تتريق على واحد صادق أو شجاع أو أمين". وواصل: "الشهداء ربنا كرمهم من فوق 7 سماوات وقال أحياء عند ربهم يرزقون".
وسخر الفنان أحمد آدم، من السيناريست تامر حبيب، قائلًا: "يخرب بيت سهر الليالى، يعنى قبلها مكناش بنسهر الليالى، وحبيب كان عضو فى لجنة تحكيم برنامج "الراقصة"، أستاذ تحكيم يا بيضا درجة أولى، لقيته بيعلق على رقص متسابقة، ويقولها انتى بترقصى حلو بس ناقصك الهوبا". وأضاف "ده انت يا راجل سيناريست، دايما لما حد ينتقد فيلم أدامك تتفلسف وتقول متحكمش على أى فيلم من غير متشوفه، تروح تحكم على الحلقة بتاعتى من البرومو وأنت مؤلف ومبدع تبقى انت مصيبة، ولو اتفرجت على الحلقة ومتمسك إننى أهنت حلب يبقى مصيبتين".
وقال الفنان أحمد آدم: إحنا عارفين أن الدولة فى حالة حرب، وكلنا معرضون للخطر.. وعندى استعداد أموت فى سبيل البلد..علشان أنا بعشق ترابها.. واللى فى قلبى على لسانى.
ووجه "آدم" الشكر لفضائية "الجزيرة"، قائلا: "أنا بشكرك علشان عرفت أثبت للناس أنك بتفبركى الأخبار، وبتضحكى علينا".
موضوعات متعلقة..
- على الكشوطى يكتب.. "أحمد آدم.. لو كان لى قلبان لأهديتك واحداً"