تداول فيديو على "فيس بوك" لمُعلِّم يضرب طالبًا بطريقة مهينة

تداول رواد موقع التواصل الاجتماعى "فيس بوك"، مقطع فيديو يظهر فيه أحد المعلمين يضرب طالبا بطريقة مهينة أمام زملائه، وهو المقطع الذي التقطه أحد زملاء الطالب ونشرته خالته عبر حسابها الشخصي بالموقع، زاعمة أن زملاء المعلم تضامنوا معه أمام مطالب أهل الطالب فى محاسبته.
اللي في الفيديو دا احمد ابن اختي احمد طفل مهذب جدا وكل غلطته إنه طلع وقف بره الفصل والمدرس مكنش موجود ،بس بغض النظر هو ...
Posted by Omnia Fkry on Monday, 4 April 2016
وقالت خالة الطفل:"اللي في الفيديو دا أحمد ابن أختى.. أحمد طفل مهذب جدا وكل غلطته إنه طلع وقف بره الفصل والمدرس مكنش موجود، بس بغض النظر هو طفل وممكن يغلط بس مين يدي الحق للمدرس المحترم إنه يضرب الولد بالطريقه المهينة دى قدام زمايله.. طبعا الفيديو دا كان فى الآخر بعد ماخلص ضرب أصحابه كانوا قاعدين يعيطوا عشانه وربنا ألهمهم انهم يصوروا المدرس وهو بيضربه عشان أحمد يعرف يجيب حقه".
وأضافت:" بالفعل اتعمل فيه محضر وحقه هيجيله ، محدش يتخيل الولد متأذى نفسيا إزاي كل مايشوف الفيديو دا.. أنا ضد إنه يتنشر بصراحة عشان خاطر أحمد .. بس احنا نشرناه لان زمايل المدرس المحترم عاملين حملة تضامن معاه ومعلقين صوره وضد إهانة المعلم .. طيب وأحمد مين ضد إهانته وناسيين إن الأسلوب دا يتنافي تماما مع جميع أساليب التربية السليمة ويتنافى مع تعاليم الإسلام اللي التزم المعلم المحترم منه باللحية وأسلوبه بعيد كل البعد عن تعاليم الإسلام ونسى حديث الرسول عليه الصلاة والسلام ( إذا قاتل أحدكم أخاه فليجتنب الوجه فإن الله خلق آدم على صورته)".
وتابعت:" طبعا المدرسة كلها بتتحايل على والدة أحمد إنها تتنازل.. بس حقيقى لو اتنازلتى هتكون أكبر غلطة بتغلطيها فى حق ابنك، انا مش فاهمة هما ازاي مش عاوزين الأطفال تكره التعليم والمدارس ! المدرسين دول محتاجين إعادة تأهيل نفسى للقيام بعملية التربية ويعرفوا إنهم بيتعاملوا مع بنى آدمين مش حيوانات".
موضوعات متعلقة:
- رئيس جامعة القناة: التعليم هو الاستثمار الأول وأساس تحسين الصحة والاقتصاد