مش تحاسب

خَلّى فى كام متر بينا
تمنع الكيمياء اللى بينا
تمنع الشوق اللى نفسه
يبقا مُجرم ومحاصرنا
.
إبقا سلّم من بعيد
مش ضرورى تمد إيد
السخونة اللى فى إيدك
قادرة وتدوّب حديد
.
وأما تبقا تبُص لية
ارحم الضعف اللى فيه
مش ضرورى تبُص بصّة
فيها عشق ومفترية
.
وإبقا اتجاهل وجودى
لأحسن أخرج عن حدودى
وأظهِر الجنب اللى مخفى
بانشغالى.. وبردودى
.
ولا أقولك.. لما توصل
إنسى تفصِل أو تمثل
إبقا خُد إيدى وسلم
واللى يحصل يبقا يحصل