قسوة الحياة

آه من الحياة وقسوتها..بتجرح فينا تموتنا
هو مين اللى كان..كان السبب ف حيرتنا!!
فرحتنا ليه مبتكملش..ليه فيها دمعه مبتنمش
صاحيه دايما وقلقانة..نقولها نامى متسمعش
مفيش حاجة ع حالها..كله بيتغير ليه
هو العيب بس فينا..ولا فيها ولا فين
مرض قلوبنا من الهوى..وجع قلوبنا ملهوش دوا
ياما دورت انا ع العلاج..ملقتش علاج انا للهوى
بنحب ف ناس قاسيه....ف الفرح معانا وف الحزن ناسيه
ولو ف يوم قلت آه....تجرى وتبعد وتبقى قاسية
هو مين كان السبب....ولا مين سبب الدموع
بنهوى حتى بدون سبب..ومبنهربش من الوجوع
نفسى افرح من غير دموع..نفسى احس انا بالفرح
روحى كفايه بقى يا دموع. خدنا ايه بلاش قرف
من الدمعه عملت بحور..وف بحورها أنا غرقت
جيت افرح أنا ف ثانيه..ذقونى ف بحورها غرقت
وف بحورها أنا دورت..ع فرحه بيها اتعلق
لقيت فيها ناس غرقانه..ومن الحزن انا اتالمت
لقيت فيها ناس مجروحه.. وفيها ناس تانى مدبوحة
حاولت انا أداوى جروحهم..لقيت نفسى انا المجروحة
لقيت فيها حبيب مجروح..من حبيبه وفيها غرقان
وواحد تانى باعه صديقه..وعشان ايه!!عشان غلبان
ولقيت فيها واحد..من دموعه اشتكى البحر
قولت غريبه بحر دموع..يشتكى من دمعة شخص!!
ولما سألت عليه قالولى..ده اشتكى قلبه من الجرح
باعه صديقه وباعه حبيبه..وعاش ف حزن من غير فرح
جرحوه الناس وياما ذلوه.. من غير ذنب يا عينى قتلوه
ذنبه بس انه برئ.. حب ف زمن مفيهوش طيب
كتروا فيه الديابه.. وكلو ف الحى قبل الميت
ولما شفت انا بلاويهم.. هانت عليا انا بلوتى
حزن ودمع وجرح..وده نصيبى وقسمتى
مش بإيدى غير يارب..هو قادر ع نجدتى
من غير ما اقوله ليه..هو عارف قصتىى