تاجر بيها

ماهى كدة عادتك ولا شاريها!!
خرجها تشرشح فى مسيرة..
تهتف مع إخوان وعشيرة..
خدلها عندك كام تصويرة..
صدقنى راح تحتاج ليها..
تاجر بيها..
ماهى كدة عادتك ولا شاريها!!
صورها وهى بتتجرجر..
وعلى الفيس بوك اجرى وشير..
قول حبسوها وافتى وزوّر..
بكى الخلق ده كله عليها..
تاجر بيها..
ماهى كدة عادتك ولا شاريها!!
بس يا خوفى الحق يبان..
أصل الكدب مالوهش أمان..
زيه أكيد زى الإخوان..
وصاحب الخصلة ما يسليها..
تاجر بيها..
ما هى كدة عادتك ولا شاريها!!
ابقى ساعتها اعمل من بنها..
وافكس كدبة جديدة مكانها..
الشرعية دة كله عشانها..
والناس تلقى اللى ينسيها..
تاجر بيها..
ما هى كدة عادتك ولا شاريها!!
عمر الكدب ما ينصر فكرة..
والناس برضه هتفضل فاكرة..
ولزيفك ولكدبك ناكرة..
وتجارتك راح تخسر فيها..
تاجر بيها..
ما هى كدة عادتك ولا شاريها!!