إهداء لكل أم

أنا جاى لكل أم أكتب لها إهداء وأطلب لها صحة من رب السماء
هى أساس الحب والبذل والعطاء الأم فى التضحية هى الألف والياء
بكتب بقلمى بفكرى بلبى ليكى يا أمى يا أغلى ما عندى
تحملتى تسعة شهور علشان أعيش وأشوف النور
تحملتيهم بلا فتور بقولها بحبك بكل سرور
أنتِ لى خير معين فى كل ساعة أنين
حاملة همى بقالك سنين ده قلبك قلب حنين
بتشعرى بى وبأفكارى قبل ما أقولك بتقوليها لى
صورتك دوما دى على بالى وأنتِ فى فكرى ليلى ونهارى
مهما أقدم من هدايا مش هقدر أوفى العطايا
لكنى بطلب من رب البرايا أن يحفظك لأعوام جاية