كلنا بنحتفل النهاردة بعيد الأم.. وطبعا لازم مع الهدية نقدم لها كارت لطيف فيه كلمتين نعبر بيهم عن حبنا لأمهاتنا.. أو نبعت لها رسالة ع الموبايل أو الواتس- اب.. تعالوا نشوف ممكن نقولها إيه... 1 - إلى أغلى وأعز الناس .. سنة مباركة يا تاج الراس 2 – يا أغلى ما في الكون .. يومك أحلى وأجمل يوم ..يجمعنا كلنا حواليكي دوم 3 - تهئنة مليانة ورد وفل .. أرسلها قبل عيدك ما يهل .. يا أمي علشان أكون قبل الكل 4 - باقة ورد من حديقة قلبي ..أنثرها بين كفيك وأقول لك "بحبك يا أمي" 5 - أنا لي قلب ما يقسى .. ولي عقل ما ينسى .. ولي أم بدونها ما أسوى 6 - الليل له آخر .. والعمر له آخر .. بس بصراحه حبك لينا ما له آخر"بنحبك يا ماما" 7 - سامحيني لو كنت عنك غايب .. يا أمي يا ست الحبايب 8 - لو كان عندي كتير هموم .. وكان عندي الشغل بالكوم .. بين حضنك كل شئ بيهون 9 - مرت سنة بكل ما فيها .. و جت سنة أحلى ما فيها .. إنك لسة معايا فيها 10 - أمي .. يا شمعة الكون العالم كله يحتفل بها اليوم وأنا من بين الجموع . أقولك .. كل عام وإنتِ بخير دوم 11 - أمي .. حياتي معاكي حلوة وعلى شفايفي إنتي غنوة وفي يومك يا أجمل وردة لو أقدر اهديكي عمري بيع وشروة 12 - أمي .. ما أتصور حياتي من دونك ... العمر ما يحلى غير بوجودك .. وكل ما يمر عيدك بحضورك ... أدعي ربي ما يحرمني وجودك ... كل عام وإنت بخير . 13 - أمي .. إنت حبك عن جميع الناس غير .. بعتلك أجمل تهاني مع أجمل طير .. ينغملك ويقولك كل عام وإنت بألف خير ياللي بوجودك بينا على طول يعم الخير 14 - أمي يارب تكوني سالمة سنة بعد سنة .. وأحتفل بيومك كل سنة أجمل من سنة 15- ماما إحترت والله إيه أهديكي .. مالقتش أحلى من كلمة ربنا يخليكي 16- إبنك بيطلب منك ترضي عنه ودعيت ربنا من طول العمر يديكي .. ولو ياخد من عمري ويديه ليكي
