القلب شايل وكاتم

صوت الناى بيشجى بيصدر نغمات حزينة
بيحرك أوتار قلوب جواها كتلة مشاعر
القلب شايل وكاتم ما فيش كلام يتقال
يعبر عن اللى حصل واللى قدامنا ظاهر
بلطجة وبجاحة وقلب ميت
والعالم شرقه وغربه لا حاسس باللى بيجرى ولا فاكر
لكن لينا رب كريم مطلع وعليم
حتى أن نام البشر أو غفوا ربك علينا ساهر
يخرج من الظلمة نور ومن الجافى حلاوة
يسمع أنه المظلوم وفى لحظة تلاقيه حاضر
يجبر يشفى كل الجراح
مهما كان الجرح مؤلم وغائر