كوباية شاي

كان واقف قدامي بيقلب كوباية شاي
حركة إيده قلبت معاها القديم... و الجاي
دوامة شايفها بتلف جوة الكوباية
إفتكرت حكايتي معاك... و حكايتك معايا
فاكرة يوم ما إتقابلنا صدفة
كنا واقفين على السلالم
كان شهر خمسة و الجو تحفة
أنا لسة فاكر كل المعالم
وقفت إنت على السِلمة الفوقانيّة
نظرة منك و إبتسامة ليا
مديت إيديا... و قلت إزيك
فضلنا نتكلم و نسينا اللي حولينا
و السلِّم فجأة إتحول لجنينة
الوقت وقف لينا... مين زيك
وقفت حبات الشاي في الآخر
و في هدوء وصلت للنهاية
بنفس الهدوء لقيت قلبي ليك طاير
و عاوز يكمل معاك الحكاية
هي مش حكاية قيس و عبلة... و لا عنتر و ليلى
و لا إننا نحب بعض لحد ما نموت
الحياة طول عمرها أصلها هايلة
و الحب بينا في حلاوة دفء البيوت
===================
إهداء إلى شريكة حياتي... زوجتي
===================
م / مصطفى الطبجي
http://mostafaeltobgy.blogspot.com/
كتاب (( فيش و تشبيه )) ... لو عاوز تتفيش
كُتب قبل الثورة ليناقش الواقع المصري فيما بعد الثورة
كتاب يوضح الفرق بين الشعب المصري و المصريين
كتاب غير ضار بالصحة و لا يسبب الوفاة
http://www.facebook.com/home.php?sk=group_100284806725381