عاصفة سخرية على تويتر بعد إغلاق "مقهى الملحدين".. مستخدمو الموقع يسخرون: "قبضوا علينا وإحنا بنلحد يا بيه".. "وعندك واحد كابتشينو لعم أبو لهب هنا".. أنتم إزاى تدخلوا على الملحدين كدة فى قهاوى الإلحاد"

شهدت مواقع التواصل الاجتماعى عاصفة من السخرية من قرار محافظ القاهرة بغلاق "مقهى الملحدين" بالفلكى، وبعد تداول الخبر قام نشطاء مواقع التواصل الاجتماعى تويتر بتدشين هاشتاج ساخر يحمل اسم "قهوة الملحدين" وقد لقى الهاشتاج ردود أفعال عالية من نشطاء تويتر، وأصبح متداولا بشكل كبير فى فترة صغيرة.
وجاءت أبرز تعليقات النشطاء ساخرة كالتالى "صاحب أى قهوة بعد كدة هيطلب من أى زبون داخل النطق بالشهادتين" ،" قبل ما المشاريب تنزل لازم النطق بالشهادة"،"لو سمحت ممكن قهوة أبو لهب زيادة وحجر معسل من رصة المعلمة مراته"، "لو سمحت ممكن شيشة ملحدة كدة بس تكون جاية من النار فريش" ،"وعندك واحد كابتشينو لعم أبو لهب هنا" ،" أهلا يافندم نورتنا تحب حضرتك تقعد فين ملحدين ولا nonملحدين؟"
وقال آخرون: "وزير الداخلية أصدر أوامره لإدارة المرور لأخذ عينات دم وبول من السائقين لإجراء تحليل إلحاد مع تحليل المخدرات" ، وقال آخر فى نفس السياق: "يا فندم فى واحد من اللى مسكناهم على القهوة رافع إيده وبيحسبن علينا، الظاهر مؤمن على خفيف".
وفى السياق نفسه جاءت تعليقات أخرى ساخرة: بعد القبض على بعض الملحدين، قريبا هيعملوا بوابات إليكترونية للكشف عن هوية الملحدين فى المترو والمطارات والمرافق الحكومية"،"الغلط على صاحب القهوة اللى مش مشغل عنده ناضورجية، اللى المفروض أول ما يشم ريحة كبسة يشغل قرآن و يعلق آية الكرسى"، "أنتوا إزاى تدخلوا على الملحدين كدة فى قهاوى الإلحاد.. بصوت محمد هنيدى فى فيلم جاءنا البيان التالى ".
وأضاف آخر:"قبضوا علينا واحنا بنلحد يا بيه"، "فى قهوة الملحدين المشاريب بتنزل ببلاش عشان الملحدين مش مؤمنين بالحساب زى داعش حرموا رياضة كمال الأجسام علشان الكمال لله وحده".
وقال آخر ساخراً: "أنا نازل يا ماما.. على فين يابنى؟ على قهوة الملحدين طيب لا إله إلا الله محمد رسول الله".
موضوعات متعلقة :
بالفيديو.. إغلاق مقهى الملحدين بوسط البلد.. حى عابدين: اتخاذ القرار بعد شكوى الأهالى من تجمع "عبدة الشيطان" بالمكان.. وضبط صاحب "الكافيه" للتحقيق معه