عفاف شعيب..عمرو مصطفى.. توفيق عكاشة.. ضحايا اقتحام مقهى البورصة

بعد هجوم قوات الشرطة العسكرية والمدنية على مقهي البورصة مؤخرا وإغلاقها إثر تلقي شكاوى ضد رواد المقهى من قبل مواطنين بشأن إشغال الطريق، أراد الفيسبوكيون أن ينددوا بذلك الفعل العنيف من قبل الشرطة، ولكن على طريقة المصريين الطريفة، لتنطلق التعليقات الساخرة على الفيس بوك تعليقا على غلق المقهى:
- نكتة : بيقولك مرة جيش جه يهجم على قهوة ... هجم على شاي
- موقعة المعسل
- وشربت حجرين على الشيشة ..ياني ياني ياني ...مش هيحكمني العسكر تاني
- التبرير: تم اقتحام قهوة البورصة بعد رصد أحد النشطاء وهو يصرخ "ولعة" أثناء إمساكه بسلاح قاذف للدخان
- قرر المجلس العسكري تنحيه عن البورصة وكلف قوات حفظ الصينية بإدارة شئون القهوة وقبل ما نعتقل حد يحاسب على المشاريب والله الموفق والمستعان
- نفس الشيشة و غيره مافيش... السياسة مش للجيش
- عفاف شعيب.... إحنا منهارين.. اقتحموا مقهى البورصة وابن أختي اللي عنده 5 سنين خرمان ونفسه في حجر شيشه
- ما هو اللي فرط في صينيته...كان لازم تتاخد منه قهوته
- البورصة خط أحمر
- جمال مبارك كلم رجالته من السجن قالهم "يا أغبيا مش دي البورصة اللي قولتلكم وقعوها..التانية بتاعة الأسهم"
من دلوقتي ...... ائتلاف شباب البورصة
توفيق عكاشة: لو قولتلي يا برادعي الشيشة فيها كام حجر هنتخبك
- المجلس العسكري فقد سيطرته على صينية الميدان .. راح يسيطر على صواني قهوة البورصة
هتلاعبني هلاعبك
- على اقتحام الشرطة العسكرية لقهوة البورصة في وسط البلد النهاردة و إخلائها بالقوة!
هتافات القهاوي:
اشرب يا ابني بسرعة السحلب ... جيش طنطاوي جاي يتسحب
عسكر عسكر عسكر ليه .... نزل يا ابني الكركديه
دى خلاص مبقتش عيشة .... اخذوا البيبسى وأخدوا الشيشة
- شيشة شيشة حتى النصر .. شيشة في كل قهاوى مصر
- عمرو مصطفي: انت بتقفل البورصة عايز تقولى إن البورصة تبقى مرات البرص ..
يعنى في برص هيطلعلى وأنا نايم..
لا هتلاعبنى على المشاريب هلاعبك
- في السنة اللى سكتنا فيها على موقعة الجمل
عملنا
موقعة الشيشه
- طلعت زكريا : ماذا يحدث في البورصة ؟؟
هناك شاى .. وقرفة .. وحلبة حليب ..
وعلاقات تشيشية كاملة