بالفيديو.. أحمد موسى يعرض تسجيلاً صوتياً لممدوح حمزة فى برنامج "على مسئوليتى".. الناشط السياسى خلال أحداث ثورة يناير: عايزين العالم يحس بفشل المجلس العسكرى.. ونعمل إضراب شامل لشل مفاصل الدولة

عرض الإعلامى أحمد موسى، تسجيلا صوتيا للمهندس ممدوح حمزة، الناشط السياسى، أثناء ثورة 25 يناير وهو يحرض على المجلس العسكرى، حيث قال فى التسجيل: "إحنا عايزين العالم كله يحس بفشل المجلس العسكرى".
وظهرت فى التسجيل الصوتى الذى عرضه أحمد موسى خلال برنامجه "على مسئوليتى"، عبر فضائية "صدى البلد"، مساء أمس الخميس، امرأة تدعى جوليا وتعترف بأنها سيطرت على صفحة المجلس العسكرى لمدة يومين من خلال "الهاكر" عليها.
وإليكم نص التسجيل الصوتى..
حمزة: إحنا عايزين العالم كله يحس بفشل المجلس العسكرى
رامى نبيل: إحنا نحث العاملين بقناة السويس على الإضراب وهيعمل ضغط عالمى وقناة السويس هتعمل تدخل عالمى.
جوليا: أنا هكلم الثوار فى السويس
رامى نبيل: وبعدين يا دكتور فى البلد دى هتروح على فين؟
ممدوح حمزة: لا هى لو مشيت زى ما هم عاوزين هنروح فى 60 داهية، يعنى إحنا باقى علينا شوية يا يلمونا يا يتخلصوا مننا.
جوليا: تصفية جسدية
ممدوح حمزة: الأمريكان ماسيكن على "المجلس" شغل ثقيل، اللى بيوضعلهم السيناريوهات اللى بيشتغلوا بيها الإدارة الأمريكية، والسفيرة الأمريكية اللى جايبنها جديد دى بلوة.
شخص آخر: معداش أسبوع مفيش واحد من المجلس العسكرى مبيروحش أمريكا.
ممدوح حمزة: شيلى التليفونات بقى عشان نتكلم، شيلى التليفونات دى عشان الموضوع ده فى منتهى الخطورة وهنطلع كلنا كده على السجن، العصيان المدنى صعبة جدا إنك تعمله انهاردة فى مصر، لأن الناس متعرفش يعنى إيه عصيان مدنى إنما نقدر نعمل إضراب عام شامل لمدة يوم، ونهدد بأنه ممكن يكون مستمر، ولا يمكن نجيب نتيجة من الإضراب الشامل إلا بثلاث حاجات.
النقطة الأولى أنه يكون شاملا، والحد الأدنى للشمول هو النقل العام، ونمرة واحد فيه السكة الحديد، هى عصب النقل، بس نتكلم عن السكة الحديد والنقل عموماً بالذات فى السكة الحديد، ونمرة اثنين "الموانئ"، ونمرة ثلاثة المطارات.
امرأة أخرى: لا المطارات اخترقت خلاص، كنت بشتغل على عمال تفريغ الطائرات، يبقى كده السكة الحديد أستاذ حسين وأستاذ ياسر، والموانئ جوليا ورامى، والدكتور عمرو قال فيه عندنا ناس لازم نستغلها، "استغلال بالمعنى الكويس مش بالمعنى الوحش"، الناس عندها مشاكل دلوقتى مع الحكومة وممكن نستغل النوبة.
ممدوح حمزة: أنا بتكلم على شل المفاصل
الأخرى: شل المفاصل عندنا السد العالى.