بالصور.. على طريقة هانى سلامة فى "السلم والتعبان".. شاب يضع لافتة إعلانية فى طريق "الشيخ زايد" يطلب فيها "السماح" من حبيبته.. والفتيات على "فيس بوك": "هى دى الرجالة ولا بلاش هو فى رومانسية كده"

على طريقة هانى سلامة وحلا شيحة فى فيلم السلم والتعبان.. قام شاب بتعليق لافتة على طريق الشيخ زايد يطالب حبيبته بمسامحته وإعطائه فرصة أخرى.
وأعلن البنات الحرب على الأولاد وقاموا بالتعليق على هذه الصورة على موقع التواصل الاجتماعى الفيس بوك قائلين: هو ده الكلام بيعلنها على الطريق السريع إنه بيحبها وعايزها تسامحة مش رسالة على الموبايل.
وأضافت أخرى: "إيه الرومانسية دى هو زمن روميو وجولييت رجع تانى ولا ايه؟!"، وقالت أخرى: "أنا لما جوزى بيزعلنى أنا اللى بصالحه بس بعد البانر ده خلاص زمن التهاون انتهى".
وقام الرجال بالرد على البنات قائلين: "هو الواحد كل ما يزعل حبيبته يعملها بانر زى ده يعنى مرتب سنة كاملة نجيب منين حلو بوكية الورد"، وتابع آخر: "هو فى أحلى من الكلمة الحلوة وبلاش تشريد وفضايح".
فيما قالت أخرى لزوجها: "شايف الرومانسية ياحبيبى بيصالح حبيبته إزاى" وقام هو بالرد عليها على الفيس قائلا : "مراتى وروح قلبى وحبيبتى وحياتى أنا آسف على أى حاجة زعلتك منى فى يوم من الأيام إعلان مجانى وبرضه على الملأ أهو".
واستطرد الزوج: "طبعا يا حياتى إنتى تستاهلى كنوز الدنيا بس بفلوس الإعلان أجبلك هدية جميلة زيك ونخرج نتعشى عشوة رومانسية زيك وباقى الفلوس نحطهم فى البنك وأظن الرسالة وصلت للجميع".
وردت عليه قائلة: حبيبى ياميمو ربنا يخليك ليا وميحرمنيش منك أبداً ومش عاوزة إعلان زى ده طبعا كفاية عندى إنك تقولى أنا آسف دى عندى بالدنيا كلها.
فيما علق آخر ساخراً: هو مفيش اسم ودى فرصة لكل واحد مزعل مراته ومراته اسمها فيه الحرفين (L, S) انه يحور على مراته ويصالحها.
فيلم السلم والثعبان
لافتة على طريق الشيخ زايد يعتذر فيها شاب لحبيبته
اللافتة عن قرب
جانب من فيلم السلم والثعبان
اللافتة فى الفيلم
هانى سلامة وحلا شيحة
موضوعات متعلقة:
أنريكى أجلاسيوس يحضر لمصر بطائرته الخاصة قبل حفل بورتو مارينا بيوم..ويغنى بتقنيه ال3D برعاية "اليوم السابع" وعدد من الشركات.. ووليد منصور: الحفل يسع 10 آلاف شخص.. ونجهز له منذ 15 يوما بمواصفات عالمية