تجار الدين

وسلام كبير يا جدع
للقتل والعدوان
اضرب يا واد الودع
تلقى العميل إخوان
تلقى التجارة شطارة
واهو كله باسم الدين
تلقى الوشوش السمحة
مدفونة جوة الطين
صل يا واد ع النبى
واقتل جنود الجيش
ازرع رصاص الغدر
واضرب أمين وشاويش
بس اوعى يا بنى ف يوم
تنسى فروض الله
صل بقى ع النبى
ده ما لينا حد سواه
دأحنا بتوع ربنا
وبتوع صلاة وإيمان
حافظين كتاب الله
مهى حرب ع الإسلام
يا شلة م الأعداء
يا شلة م الخاينين
مش حرب ع الإسلام
ولا حرب ضد الدين
الدين فى حفظ الله
مش تحت حراستكم
ولع خيوط فتنتك
وحدتنا حتكيدكم
الدين ده دين العفو
والصدق والإحسان
مش دين خيانة وكدب
يا تاجر الأديان
ف ارجع لربك..توب
وبلاش تسىء للدين
واصلح لنا الأحوال
ماترد قول آمين..