محتاج حضنك قوى

بعد سنين الفراق
والمر والأشواق
ونار الاشتياق
حنيت لك قوى
مشتاق لنور عنيكى
مشتاق للمسة إيديكى
مشتاق لهمسة كلامك
مشتاق لرقة سلامك
مشتاق قلبك ياخدنى
ويطير بيا لسابع سما
والله عمرى ما نسيتك
ولا عمرى فكرت فى غيرك يوم
وأنتى بعيدة عنى
قضيت حياتى
بين العتاب واللوم
والسهر من غير نوم
وعذاب مالوش آخر
من يوم فراقك
باختصار
بقت حياتى
هموم فى هموم
لا ضحك ولا نوم
ولا شىء بيحلالى
تعالى ننسى اللى فات
ونرجع الأشواق
ونعيش حياتنا تانى
فى دنيا م الأحلام
كلها شوق وغرام
ونار الحب تفضل
قايدة مشعللة
ولا تطفيها الأيام
ولا ويل ولا ملام
حنرجع الأحلام
طول ما إحنا جنب بعض
وطريقنا دايما واحد
من غير عذاب ولا بعد
ولا خوف يدق بابنا
ولا لوم يضيع شبابنا
حبيبتى فى جملة واحدة
محتاج حضنك قوى