طريقة جديدة لتقديم النصيحة للمتحرش عبر "تويتر".. نشطاء يدشنون هاشتاج "محدش قالك" للتصدى للظاهرة.. وناشطات: سلوك غريب على الرجل الشرقى.. ويؤكدون: لو مدفعتش على اللى بيتحرشوا بيها هيجى الدور على أختك

مع انتشار جرائم التحرش وتفشى هذه الظاهرة بشدة فى الفترة الأخيرة فى مصر، حاول عدد من مسخدمى موقع التواصل الاجتماعى "تويتر" مواجهة هذه الظاهرة بتدشين هاشتاج جديد بعنوان "محدش قالك"، ليعبروا من خلاله عن رفضهم لهذه الجرائم وتذكير المتحرشين بأن هذه السلوكيات غريبة على الرجل الشرقى.
وتفاعل النشطاء مع هذا الهاشتاج، حتى وصل إلى الأكثر استخداما على "تويتر"، كما استخدمه البعض أيضا بطريقة ساخرة للتعليق على موضوعات مختلفة، وكان من أبرز التعليقات التى جاءت فى الهاشتاج الآتى: قال أحد النشطاء، "محدش قالك إن أيدك دى للسلام والأكل مش للتحرش"، فيما علق آخر "إن البنت اللى بتضايقها ف الشارع دى ممكن تكون أختك أو مراتك أو بنتك".
واستنكرت إحدى الناشطات هذا السلوك مؤكدة أن المتحرش لا يعتبر رجلا، وعلقت أخرى محدش قال إن البنت عندنا بدل مابيستروا بيقفوا يتفرجوا عليها ويصورها"، وقالت أخرى "إنك تلعب ببنات ناس وتفتكر أنها مش هتترد لك تبقى عبيط".
وأكد آخرون أن أحد أسباب التحرش هى الأفلام الإباحية وعلى رأسها أفلام السبكى، وقال آخر "إنك لما تضايق بنت كله هيطلع فى أختك أو أمك أو مراتك؟ وأن أصلا احترام البنت رجولة ؟
وأكدت أخرى أن أهم أسباب معاناة المراة هى الرجل قائلة: إن الست إللى بتعانى النهاردة من المجتمع الذكورى وهيمنة أفكاره إن هى السبب هى إلى فرقت ف التربية بينه وبين أخته وسمحتله يسيطر عليها، وأن التحرش غير الاغتصاب وأن الأزمة سببها الأخلاق اللى الممثلين والفنانيين سبب من أسباب ضياع الأخلاق.
وقال آخر "محدش قالك إن مصر فى المركز التانى على مستوى العالم فى التحرش الجنسى، وأن التحرش فى مصر من التلاتينات".
وقال آخر "محدش قالك إنك لازم تراعى ربنا فى بنات الناس عشان ربنا يرزقك بواحدة محترمة، وإنك لو مدفعتش على اللى بيتحرشوا بيها بكرة الدور يجى ع أختك أو أمك أو مراتك، وعلق آخر ساخرا "محدش قالك إن تويتر مفيهوش متحرش كلهم متربيين ماشاء الله".