لازم تنزل.. مصر محتاجة صوتك

هيا بنا نحن شعب مصر الطيب الأصيل، صناع أعظم حضارة فى التاريخ، ننزل وبدون تراخى وكسل وخوف ولا نتهز ندلى بأصواتنا لاختيار رئيس بجد لمصرنا الحبيبة مش مهم مين المهم نكون من الملايين خمسين وزيادة عشان نقول للعالم إحنا بجد إيد واحدة ساعة الجد وحائط صد منيع ساعة الخطر، ما يحوم حوالينا ويحاول يخترقنا وعايز يهد كل ما هو لينا انزلوا وشاركوا عشان نقول للعالم إحنا موجودين ومش راجعين للقمقم، ولا داخل فانوس سحر العفريت، إحنا هما المصريين مش راح يغيرنا فكر بغيض ولا تخويف وحرق وتدمير من إخوان قادهم فكر شرير زرعه إبليس ويرويه بدم شهداء مصر الأوفياء جنود ومواطنين, انزل يا راجل انزلى ياست انزل يا عجوز وكل صاحب فكر وذى الاحتياجات الخاصة.
وياشباب وشابات مصر بتنادى أنا بحاجة ليكم عشان أتعافى وتبنوا ليكم صروح المجد وهذا لا يتحقق إلا بصوتك تدليه بصندوق الانتخاب وعشان تطمن صوتك أقوى سلاح للنصر، لأن قيمته الآن بعد ثورتين أصبح يهز ويهد كل قوى شر معادية بالداخل كانت أو بالخارج من دول محور الشر،د كل ما يزيد عدد المشاركين بالإدلاء بالأصوات بعد التدقيق والفحص والتمحيص لمن تختاره لإعادة بناء مصر الجديدة المواطنة الأكيدة وحقوق الإنسان الربانية عشان ترعرع أشجار الأمن والأمان وتثمر ثمار السلام لتصبح غذاء ويفيض ونصدر منها لمن يريد مثلنا، يعيش أنزلوا وبسرعة على لجان التصويت ومتخافوش جيش وشرطة ربنا يعينهم بكل همة وعزم وإصرار لتأمينكم موجودين فى الحوارى والشوارع والميادين واللجان من بره وجوه واقفين مستعدين للتعامل بالحزم والشدة مع المتآمرين والحاقدين وللخراب لمصر عايزين انزلوا الصناديق بتناديكم وتقولكم مش راح يكون فى أى تزوير إرادتكم هى الحق الأصيل وتقولوا بدون خوف مين يكون رئيس بس أرجوكم تريثوا فى اختياركم عشان لا نعطى فرصة لأعدائكم يطلوا علينا برءوسهم من تأنى عايزين تبنوا وتعمروا والكل ياخد حقه البداية هنا أنزلوا كلكم شاركوا بأصواتكم وبعدها هتجدوا ما تتمنوه ويسركم مصر بتتقدم وهنعبر طريق الشوك وترسى سفينتنا على أرض الخير.