أنا المصرى

أنا المطحون
أنا إللى بقوم
كل يوم من النوم
ألاقى الهم
ألاقى مشاكل بالكوم
أنا المصرى أنا الفنان
لحنى شجن
قلبى ملوش مكان
وسيرتى بقت على كل لسان
أنا المصرى أنا المجنون
أنا إللى بصدق كل كلام يتقال
أنا المصرى أنا إللى صابر
أنا إللى ياااما فتحت وقفلت معابر
وأنا إللى انتصرت فى أكتوبر فى يوم
أنا المصرى أنا الشجاع
أنا الهمام
أنا حالى دلوقتى مبقاش تمام
أنا إللى بتحدى الهوان
وأنا إللى صبح مليش عنوان
عايش على حبة أحلام
أنا المصرى أنا الغلبان
أنا إللى غلبانى الظنون
أنا المصرى مليش كيان
مرة شبعان مرة جعان
مرة أرفان مرة فرحان
هو ده حال الإنسان
أنا إنسان من حقى أقول واتكلم
من حقى أعيش زى ما بتألم
أنا المصرى أنا الإحساس
وسط الزحام وسط الطابور
بضيع دايما فى وسط الناس
أنا المصرى أنا الغالب
ويا مااا أنا أكلت مقالب
عشان سمعت أركب الحنطور
أنا الكاتب أنا الأديب
أنا إللى لو كانت كلمتى تغيب
تموت الدنيا تموت السطور
أنا المصرى أنا التحدى
وياماااا قلت كتير مين أدى
بس من زمان بستنى الدور
أنا المصرى أنا الحنية
أنا الجدعنة والمفهومية
مبقتش فاهم ولسة بسأل
وأروح لده ولده وأشور
أنا المصرى