بنتظر دايماً كلامِك وانتظر همسِك وصمتِك بعشق الرِقة فى سلامِك حتى مش شايف قَساوتِك برسمِك جَنة فى عيونى وأحّفُرِك صورة فى خيالى نِفسى للأحلام تصونى دا انتِ شىء جوايا غالى دفّى كل الكون بحُسنك وبحنانكِ أاحضنينى دا الجمال فيه حتة منِك والحنين فيكِ ساقينى بحر م الحنيّة صوتك كل يوم باشتاق إليه أقدر إزاى يوم أفوتك وانتِ قلبى ساكنة فيه قبل ما تِحسِك عينيا نبض قلبِك مَسّ قلبى دوبتى من لمسة إيديا وانتِ قلبك ليه يخبى اخلعى خجلك وخوفك وارسمى فىّ المحبة مهما كانت يوم ظروفك قربيلى حَبّة حَبّة ما تقوليش إزاى تفكر فىّ وانتَ ما شوفتنيش وانت ليه تشتاقلى أكتر عِيش حياتك سِبنى أعيش بس م الآخر هقولك قلبى مشغول والله بيكِ يمكن الأشواق تِدلِّك جوٌه قلبى وهداريكِ افتحى شِباك حياتى واستخبى جوٌه فيها واجرى جوايا ليلاتى عوضينى وعوضيها