صعب جدا

صعب تعيش وتحس بنفسك
ان فى حبك محدش حسك
وان فى قلبك جرح بيكبر
ولا فيه حد لحبك قدر
صعب دا جدا
احساس مؤلم
يبقى حبيبك هو دا جرحك
صعب يا دنيا بقسوة بتجرح
ناس تتمنى تعيشك تفرح
بس خسارة معاكى يا دنيا
ما بتلقاش وياكى ليه مطرح
وارجع لما احس بجرحى
ابكى شوية واريح نفسى
يمكن يجرح قلبى شوية
بس دا عمره ما يكسر نفسى
هيقوينى فى ليلى وصبحى
وابقى مكانى وهو هيمشى
صعب تعيش وتحس بنفسك
ان فى حبك محدش حسك
وانت يا قلبى ما تستسلمشى
انت الشمس لعينى ورمشى
وقت ما ييجى الحب براحتك
يلقاك جوه مشاعره بتمشى
دق وسمع كل حبايبى
ان الحب دا ما بيوقفشى
ان الوحده ما تكسر قلبى
لو راح تحكم
هقدر اعيش الحب لوحدى
لو ملقتش يا قلبى لقلبك
حد بجد يقدر حبك
بكره تلاقى الحب يجيلك
مش هيسيبك ابدا وحدك